حاجات تغيظ .. حاجات تضايق
حاجات تدوخ عقل الفايق
عـ اللى بيحصل أنا مش طايق
مـ اللى بيحصل أنا مذهول
=-=-=-=-=-=-=-=-=-=
تلاقى أخ بيقتل أخوه
تلاقى إبن بيدبح أبوه
وقلب يصرخ يا ناس يا هوه
عـ اللى بيجرى مين مسئول
=-=-=-=-=-=-=-=-=-=
هوانا بقى كله مآسى
زمانا بقى دايما قاسى
أشيله على عينى وراسى
ألاقى قسوة قلبه تطول
=-=-=-=-=-=-=-=
زمان ده كان مية المية
اللقمة فيه تكفى المية
نسينا ليه الحنية
ولسانا بقى بالكدب يقول
=-=-=-=-=-=-=-=-=
وفـ الشوارع تشوف مواقف
تخلى شعرك يا عينى واقف
وعـ الرصيف قاعد وواقف
عاطلين وبالهم مش مشغول
=-=-=-=-=-=-=-=-=-=
خلاص يا ناس أنا قلبى خلاص
يتمنى يملا الحب الناس
ونعيش فـ دنيا من الإخلاص
وكل صاحب حلم ينول
=-=-=-=-=-=-=-=
يا رب إدعوا يفوز الدين
يا رب إدعوا وقولوا آمين
الفكر يرجع تانى رزين
ولا يغوناش هوى العقول
=-=-=-=-=-=-=-=-=
بقلم : محمد حلمى مصطفى
الأسكندرية – جمهورية مصر العربية
=-=-=-=-=-=-=-=-=-=-=-=-=-=
للتواصل مع الكاتب .. يرجى الدخول على هذا الرابط :
http://tiny.cc/yz7myw
يا رب إدعوا يفوز الدين
يا رب إدعوا وقولوا آمين
أمييين موضوع جميل شكرا