نفسى أعلم كل الدنيا معنى الحب
نفسى الحب الصادق يسكن جوه القلب
نفسى نعدى بحور اليأس
لجل ما ننسى دموع الأمس
لجل ما يبقى سلاحنا البأس
وإحنا بنكسر شوك الصعب
نفسى أعلم كل الدنيا معنى الحب
=-=-=-=-=-=-=-=-=-=-=-=
نفسى نحقق كل آمالنا
لجل ما يسعد بينا زمانا
ونعيد تانى بناء أمانينا
علشان تفخر نفسنا بينا
ونكون دايما مع بعضينا
وقت الفرح ووقت الكرب
نفسى أعلم كل الدنيا معنى الحب
=-=-=-=-=-=-=-=-=-=-=-=
نفسى يداوى طموحنا جراحنا
اللى بتقتل فينا فرحنا
وتكون دايما لينا حضارة
تبنى لمجد بلدنا منارة
وتخليلنا علامة وشارة
تمحى قساوة ظلم الغرب
نفسى أعلم كل الدنيا معنى الحب
=-=-=-=-=-=-=-=-=-=-=-=
نفسى قلوبنا تطرح ورد
يحمى هوانا فـ ليل البرد
ويدفينا بأحلى كلام
يملا حياتنا شوق وهيام
وينسينا أي آلام
ويعيشنا فـ لحظة قرب
نفسى أعلم كل الدنيا معنى الحب
=-=-=-=-=-=-=-=-=-=-=-=
بقلم : محمد حلمى مصطفى
الأسكندرية – جمهورية مصر العربية
=-=-=-=-=-=-=-=-=-=-=-=-=-=
للتواصل مع الكاتب .. يرجى الدخول على هذا الرابط :
http://tiny.cc/yz7myw
الدنيا تعرف معنى الحب و لكن لا تريد أن تطبقه يا أخ محمد حلمي…لأن “البعض” ملأ الجشع و الطمع و حب المصالح الحيز الذي سيملؤه الحب.. و إذا تعارضت مصالحهم مع الحب فهم مستعدين أن ينسفوا هذا الحب نسفااااا و يزيحوه من طريقهم لأنه في نظرهم سيشكل عبئا و حاجزا لتحقيق أهدافهم…..و على العموم أتمنى لك حظا موفقا في رحلتك لتعليم الدنيا الحب .. 🙂