ومضات 3

أنا من رأيى إن الأولى بالحديث هو حق عودة اللاجئين الفلسطينيين لوطنهم وليس الحديث عن عودة المهاجرين اليهود لمصر زي ما دعا الدكتور عصام العريان مؤخرا ، لأسباب كتيرة منها :
1) ان مسألة عودة اليهود العرب ككل (وليس يهود مصر بس اللى هاجروا لاسرائيل) لاوطانهم العربية _ بنسبتهم البسيطة بالنسبة لاجمالى عدد سكان اسرائيل _ عمرها ماحتفسح المجال للاجئين الفلسطينيين للعودة لفلسطين فى ظل وجود الاحتلال الصهيونى اللى مش حيتاثر سلبا بخروج اليهود العرب منه إن لم يكن سيستفيد !
2) مافتكرش ان اليهود العرب اللى حيرجعوا من اسرائيل لاوطانهم العربية حيقدروا يعيشوا حاليا وسط المجتمعات العربية ويتعايشوا معاها ببساطة كده ، لانهم من ناحية أولى حيكون وجودهم مش مقبول من جانب الشعوب العربية ذاتها لا لشيء سوى لانهم دائما بيثيروا وبيتسببوا فى مشاكل وازمات للعرب من اصحاب الديانتين الاسلامية والمسيحية بالإضافة لوجود شبهة ان لم يكن واقع التبعية لاسرائيل وبالتالى العمل لصالحها فى هذه الدول العربية بشتى الوسائل والطرق بما يمثله ده من خطر على الامن والسلم العام لهذه الدول ، ومن ناحية تانية فإن أغلب إن لم يكن كل العرب اليهود اللى هاجروا للكيان الصهيونى شاركوا وهم وسلالاتهم فى حروب مع اسرائيل ضد العرب وخاصة مصر فبأي منطق يرجعوا لدولة زي مصر حاربوا ضدها وساهموا فى قتل ابنائها ؟!

فى الأخر دى مجرد وجهة نظر شخصية ، وأنا شايفة إن المسألة دى محتاجة شوية هدوء وتأنى ودراسة وبحث أكتر عشان نعرف تباعتها صح ، وربنا ينصر العرب والاسلام فى كل زمان ومكان يا رب