إيه الإحراج ده؟

مرسلة من صديقة الموقع koky adel

.. اكتشفت وأنا أستعد لكتابةهذة الكلمات انها ممكن تنشر فى اليوم الأول من العام الجديد.وح يشوفوة اصحابى فى نورت.
يعنى النهارده واحد/ واحد.. وانتوا بتقروا الجريدة الصبح.. يعنى أول استفتاح ممكن يكون على وشى.
. يا ليلة بيضا..

وبعدين؟.. إنها حوسة كبرى.. طب ح اكتب إيه؟..
هل أتحدث عن العام المنصرم؟.. ما هو كل الناس تحدثت عنه.
. وبما إنه منصرم فقد ناله من معنى الكلمة الكثير.
. ودع المنصرم بالصرم والقباقيب واتدشت وراه تمانين قلة وزير.ونقول لة روح إلهى ما توعى ترجع ولا ينكتب علينا نشوف وشك تانى.. قال يعنى فيه أى حاجة م الزمن بترجع تانى..

أكتب عن المواجع التى أكلت أكبادنا خلال هذا المنصرم.. وأقعد أعدد وألطم وأنوح.. طب إيه الغم ده؟.
. ثم إن الزملاء لم يقصروا.. بقالناكتير بنفكر بعض بالبلاوى التى حدثت بدءاً من الأزمة الاقتصادية التى بدأت تتمطع فى أواخر المنصرم اللى قبله.. لحد ما ابتدى المنصرم ده راحت البونية لابسة ف وشوشنا..

مروراً بالخنازير و الماعز واكتشاف جرايم جديدة وبواخة واحد مفلوت عياره ونازل شتيمةفينا..
طب أكتب عن المتميزين والمتميزات من الفنانين والفنانات؟؟.. وأفبرك أى اخبار ..
وأقعد أنفخ وأضغط على أزرار جنون العظمة اللى بتخللى بعض النجوم يتملوا هوا لحد ما يقربوا يطيروا زى المناطيد لدرجة إنى ساعات ببقى باصة للنجم من دول وعايزه أقوم أربطه بفتلة وأثبتها ف طوبة ع الأرض عشان يركز كده ويستهدى بالله.
. ذلك لأنى لن أكون حقيقية ولا صادقة.. طبعاً.. لأسباب كثيرة بقى مش حاقولها وبلاش وجع قلب.. فذلك سوف يعطينى الرخصة لأن أهجص كيفما شئت..
طب ح اتكلم عن الكورة
كده حندخل فى خصومات ولوى بوز ومقاطعات وتحالفات
طب وأنا إيه اللى يدخلنى فى المتاهات دى؟.
. بنقول واحد واحد وعام جديد وكده.. ما نمشيها لطافة وأمنيات فى الطيابة والسأسأة
شوية حنية على ابتسامة ودية وأسبل عينيا وأحاول إنى ما احولش.
. حَكِم أنا لما بسبل بحولّ على طول.. وكل سنة وأنتم طيبين يا حبايبى.
. تفاءلوا.. والنبى تتفاءلوا.. سايقة عليكوا النبىا تتفاءلوا.. إنه عام الرخاء.. والعدل.. والحرية.. والديمقراطية… عام إن شاء الله ليس به حوادث طرقية.. ولا جثث مرمية.. ولا خنقة مرور مزرية…. عام لا تخلع فيه الحجاب الوليه.وتموت فى محكمة بالمانيا. ويخلو من الوقفات الاحتجاجية
والعمال حياخدوا حقهم ميه الميه.. وحانتصالح مع الداخلية.والدول العربية.
والتعليم حايتصلح من ابتدائى للثانوية.. وحماس وفتح حايبقوا سمن على مهلبية..
ونخلص إحنا م الورطة ديه.. ونشوف حالنا بقى وماحدش يقرفنا م البلاد الغلاوية.
. وتتكتم المحطات الحنجورية.. وكل الأمنيات الطيبة ليكوا وليه.
. ومش لاقية حاجة تانية فيها إيه.. غير إن الحب هو اللى حايحيينافى نورت السنة اللى جايه