رحيل عبود ( الحلقة الأولى )

مرسلة من صديق الموقع ميمو

ذات مساء ،، وعلى طاولة مستطيلة ، اجتمع عدد من الشباب والبنات ،، يناقشون أمراً مهماً ،، جميعهم أصدقاء في موقع الكتروني واحد ،، وكانوا منسجمين مع بعضهم والكل يعرف الآخر ،، الا أنه في يوم ما تعكر صفوهم بسبب ان احد الأصدقاء قرر ان يرحل دون ذكر الأسباب ،، وجلس الجميع ليثنوه عن قراره او يعرفوا سبب القرار ،،،،

توب : يا أخ عبد الوهاب ،، اعطنا مصدر واحد لسبب مغادرتك لنا ،، أي مرجع يمكننا الأعتماد عليه ..
عبد الوهاب : مرجع شو ،،، شو انا بدي اعمل دكتوراه ،، يا اخي بدي روح ،، اتركووووووووني ..
سوزي : تروح روحك بلا خطي ،،، شو على كيفك ،، انا الرئيسة هون ،، كل واحد يطلع على باله يروح يروح ،، حلوة والله
أخيليس : عبود ،، يا بتحكي ليش يا بخبطك بوكس بلزقك بل حيط برشحك للانتخابات ..وبكتب تحت صورتك لا تنتخبوا هالطشم …
عبد الوهاب : اخي انا حر .. سوزي خليكي رئيسة على الباقين ،، انا صار لازم ودعكن ،، وقلكن مع السلامة ..
سوزي : الله لا يسلم فيك ولا عضمة .
عبد الوهاب : شكراً .
ايمان : عبود الكحلوش وين بدك تروح ؟ وانا مع مين اهدر جزايري ،، له يا كحلوش ما حبيتها منك ..
عبد الوهاب : أصلا انتي مو هامك غير تحكي ،، طول النهار بتحكي ،، سمينة وجعداء وبتحكي ..
قاسيون : عبود افتح قلبي تجد وردة ،، خذها واغفر لمن أساء ،،،
عبد الوهاب : روح عنا يا .. قال افتح قلبي تجد وردة ،، ترى بطرقك قصيدة هجاء اخليك دايخ شهرين ..
نور : عبوود استهدي بالله وصلي ركعتين واعمل استخارة واسحب ورد لبكرة الصبح وصوم يومين وروح اعمل عمرة وان شاء الله يهدى بالك
فاتيما : يا جماعه خلوه على راحته ،، يعني مش ممكن نغصبه على حاجة هو مش عايزها ،، يمكن هو مش مرتاح معانا ، طب نعمل ايه ،، نغصبه يعني ،، مش ممكن ، ده يبقى اسمه ارهاب واسمه ………
سوزي : ايييييييييييييييييييه ،، شايفتك مشحونة على الآخر اليوم ،، خلي حدا يحكي ،، استلمتينا ،خلي دور لغيرك …
فاتيما : الله !! هو انا قولت حاجة لسه ؟
اخيليس : فاتيما عطيني 50 جنيه وخدي دوري بل الكلام .
ندى : أخي العزيز عبد الوهاب ، لابد لك أن تضع تفسيراً مقنعاً لمغادرتك لنا وان كان هناك سبب ازعجك حتى نتلافاه في مستقبل الايام ،، مع تحيات أختك ندى .
عبد الوهاب : يا أختي ندى أسباب مارح قول ،، رح اترككم وبس
ايمان : أي روح انمحق ،، شو بدنا نترجاك حتى تبقى ،، انا بدي ياك تروح يا كحلوش .
مصطفى : أخي الحبيب عبد الوهاب ،، أخواني الأحباء ،، يجب ان يجتمع شملنا وشمل العرب وأن لا نتفرق ، يجب ،، يجب ،، يجب ….
عبد الوهاب : عملي ياها سياسيه الأخ ،، يعني وقف اتفاق العرب على اني أبقى هون ،، وعمرهن ما ييجتعموا ..
سوزي : هسسسسس ما حدا يحكي شي ،، في واحد بينا متنكر ، أنا عندي معلومات ،،
الكل ينظر الى سوزي باهتمام وسوزي ساكنه ،، وفجأة تقفز على قاسيون وهي تصرخ : كشفتك ، شيل القناع ما بتقدر تخدعني ،، أنا عندي معلومات ..
وبدأت تشد وجه قاسيون وهو يصرخ ،، واجتمع الجميع ليخلصوه من بين يديها ،،،وهي متشبثه به وتريد نزعه ….

يتبع في الحلقة القادمة ……………………