مرسلة من ممدوح أحمد فؤاد حسين
لا يعيب المجتمع المصري اكتشاف شبكة تبادل الزوجات ولا يعيبه أيضا القبض علي مدرس بأحدي المدارس الثانوية لإقامته علاقات جنسية مع 18 طالبة وتصويرهن فيديوهات . وذلك لأن المجتمع المصري ذو السبعين مليون لا يضيره أن يكون فيه ولو مليون منحرف وهو عدد كاف جدا لوجود كافة أنواع الانحراف التي لا تخطر ببال الشيطان الذي اعتقد أنه في أجازة مفتوحة اعتمادا علي المنحرفين المبدعين.
ولا يعيب المجتمع المصري أيضا أن يكون الحكم في قضية تبادل الزوجات هو الحبس سنة فقط!! ولا يعيبه أيضا أن يكون الحكم الذي سيصدر في قضية فيديوهات المدرس وتلميذاته هو البراءة للتلميذات علي اعتبار أنهن قاصرات لم يبلغن الثمانية عشر عاما أي أنهن أطفال طبقا للقانون!!
ولتوضيح الأمر فإن هناك عقيدتين في العالم كله لجسد الإنسان:
الأولي إيمانية تؤمن بأن جسد الإنسان ملك لله وحدة وبالتالي لا يحق للإنسان أن يتصرف فيه أو يتمتع به إلا وفقا لشريعته .
والثانية إلحادية تؤمن بأن جسد الإنسان ملك له وبالتالي فهو حر في التصرف فيه والتمتع به وفقا لما يراه , ولذلك فهم يبيحون كل شيء حتي الشذوذ الجنسي الذي انفرد به الإنسان دون سائر المخلوقات بما في ذلك الحيوانات !!!
وبإمعان النظر في الحكم الصادر في قضية تبادل الزوجات والذي سيصدر في قضية فيديوهات المدرس وتلميذاته يتبين بوضوح أنها عقوبات تشجيعية وليست عقوبات رادعة مما يؤكد أن القائمين علي التشريع ينتمون للفريق الثاني ولكنهم لا يعلنون ذلك صراحة لانهم ما زالو في مرحلة إعداد المجتمع لتقبل عقيدتهم عن طريق نشر الانحلال وهدم القيم والأخلاق .
المضحك المبكي أنهم يفعلون ذلك من خلال التمسح بالشريعة الإسلامية فيعلنون بلاء حياء أنه لا يوجد قانون في مصر مخالف للشريعة الإسلامية !! ويحيلون القوانين خصوصا المتعلقة بالأسرة إلي مجمع البحوث الإسلامية أو لاستطلاع رأي المفتي في محاولة خداعية منهم لاطفاء الشرعية الزائفة !!
بعد هذا العرض الموجز أرجوك صديقي القارئ أن تجيب علي السؤال الموجود في عنوان هذا المقال
ياسيد ممدوح أحمد فؤاد حسين
مهو لما تكون كل مواضيعك كدة هجوم وعيوب فى مصر يبقى مع الوقت هتفقد مصداقيتك مع السادة القراء…
لأن مافيش حاجة وحشة على طول كدة او بتفضل وحشة طول الوقت
بجد هنمل من قراية مواضيعك اللى كل إسبوع نلقيها هجوم على مصر
هنلقيها منك ولا من السيد العبقرى المخرج / خالد يوسف
اهو إنت بقى فكرتنى بية كل أفلامة يظهر فيها الوجة القبيح لمصر ويقول ياجماعة دى حقايق موجودة فى بلدنا العشوائيات والبلطجة والزنا و(الإجهاض) والإغتصاب…..
وبصراحة مابحبش اللى بيعمل فيها قلبة على مصر وهو غرضة الاول والاخير الشهرة والمادة، يعنى الاخ خالد يوسف مش بيعمل كدة عشان يصلح الصورة القبيحة الموجودة فى مصر، أكيد لأ دة غرضة الأكيد الشهرة والمال والنجومية والدليل على ذلك الخبر اللى إتنشر على جميع المواقع والمنتديات بزواجة العرفى من فتاة وبعد حملها منه يأمرها بالإجهاض!!!
طب لية يااخ خالد يايوسف تزوجتها عرفى ؟؟ اللى بيعمل حاجة فى الضلمة اكيد بيكون بيعمل حاجة غلط وإلا كان تزوجها شرعى، نفس الشيئ إزاى تأمرها إنها تجهض نفسها وتقتل إبنها وإبنك ؟؟ هل هذا حلال
ماعلينا مش عاوز أطول وأدخل فى موضوع خالد يوسف بس صدقنى مواضيعك بتفكرنى بأفلامة بيحارب الإجهاض والزنا والإغتصاب، لكن مابيعملش بالرسالة اللى بيقدمها…
كفاية بقى وسيب مصر فى حالها حضرتك اكيد قريت وعلى نفس الموقع “نورت” لاعب كرة قدم خليجى إغتصب مشجع من جمهورة!!
وقريت على نفس الموقع “نورت” زواج جماعى لطالبات فى مدرسة يوم الخميس!!
وقريت بردة على نفس الموقع “نورت” عامل نظافة إغتصب طفلين فى الحمام!!
وقريت على نفس الموقع “نورت” إمرأة فرنسية تقتل 3 من أطفالها الرضع!!
يا اخى إتقى الله بقى البلطجة والسلبيات موجودة فى كل المجتمعات حتى فى أروبا اللى عملنا عقدة الخواجة، بس هما احسن مننا بيبصو للإيجابيات وبيعلجو السلبيات
لكن إحنا بنبص للسلبيات فقط ونكتب بأقلمنا عليها وخلاص، وبدون مابنقدم حلول، وكأننا شمتنيين
شكرا ليك صديقى وصديق الموقع ممدوح
تحياتى وتقبل مرورى
السلام عليكم……
أخى vip
أنا أتفق معك وأكن لك كل أحترام لكن كذلك أتفق مع السيد ممدوح فالتشريع فى مصر لا علاقة له بالشريعة الإسلامية وإلا كان حكم تبادل الزوجات هو الإعدام كما هو فى الشريعة….
أما موضوع أن السيد ممدوح ماسك فى السلبيات بس فدا موضوع تانى لازم نتكلم بردو على الإجابيات لكن هى فين الإجابيات دي؟؟؟
تحياتى لك
أنا ماختلفتش معاكم إن قانون مصر مش ماشى على الشريعة الإسلامية أصلا، وتابع للدستور، وأبديت إعجابى قبل كدة فى موضوع تانى لحكومة السعودية لكون ماشية على الشريعة الإسلامية، بس متنساش إنك فى بلد فيها المسلم والمسيحى فلو طبقت الشريعة الإسلامية هتحصل فتنة طائفية وهيتقال إشمعنى…
أما بالنسبة للإيجابيات اللى تسألت عنها يا
فأول دليل على وجودها هوة ، إنك عايش
وماتستغربش من الكلمة أيوة والله، عاوز إية من بلد بقالها مئات السنيين بيتسرق خيرها على إيد حكومتها ولحد دلوقتى لسة فيها الخير اة والله لسة فيها الخير، ماحدش بينام جعان بغض النظر عن نوع الاكل اللى اكلة وإختلافة من شخص لشخص
هاتلى بلد تستحمل تتسرق مئات السنيين ويكون لسة فيها الخير
مصر إحتٌلت على إيد الإنجليز وإحتلت على إيد الفرنسيين، ومع ذلك شعبها الشعب الوحيد اللى متمسك بعاداتة وتقاليدة وحملات الإنجليز والفرنسيين ماقصريتش على عاداتة وتقاليدة، يعنى الحمد لله ماشوفناش الدعارة مرخصة فى بلدك برخصة من الحكومة زى مموجودة فعلا فى دولة عربية شقيقة ولا شفت حكومتك فى مرة بتمنع إرتداء الحجاب زى مدولة عربية شقيقة إسلامية للأسف بتعمل هذا، قولى بقى لية دة حصل ؟؟ عشان للأسف غزو الفرنسيين للبلاد دى قصر على عادات الشعب او زى مابيقولو كدة بالبلدى عادات الغرب بهتت عليهم
عرفت بقى إن فى إيجابيات فى بلدك أنا مش بقول غنها مية مية والحكومة مية مية بس عالأقل بتفائل لأنى لو بصيت للسلبيات اللى غنتو شايفنها ومابتبصوش غير عليها دى هحبط وهفضل واقف فى مكانى ومش هعمل اى حاجة، لأن للأسف تعليقك وموضوع السيد ممدوح ولا هيقدم ولا هيأخر
شكرا اخى Mahmoud ومش عاوزك تزعل من تعليقى
أخى Vip
أنا مش فاهم يعنى أيه أنك بتنادينى فى أول الحديث بـ(يا)
لكن أكيد مش تقصد حاجة وحشة لأنك إنسان محترم وعلى فكرة أنا مصري زيك وبحب مصر جدا.
وأحب أفكرك أن الحكومة المصرية فعلا أخى الحبيب منعت لبس النقاب فى المدارس والجامعات للأسف الشديد وربنا يستر ومش يمنعو الحجاب ككل مع انه ممنوع فى بعض الأعمال كمثال وليس حصر ممرضات المستشفيات العسكرية وكذلك المضيفات أليس كذلك؟
وأنا عمرى ما أزعل منك…….
لا والله يا Mahmoud ماقصد حاجة من كلمة يا
دة عبارة عن سهو والله وأنا هقولك إية معناها
كل مافى الموضوع إنى لما باجى اكتب تعليقى بخلص كل كتباتى بالعربى وبعدين بسيب الإسم لو بالإنجليش للاخر عشان مش كل شوية افضل اغير اللغة، فنسيت اكتب بعد كلمة يا …..(Mahmoud)
اغزرنى يا اخ Mahmoud والله ماقصد حاجة
وعلى فكرة انا اخدت بالى وانا بعيد قراية التعليق وقولت ياريت مايفهماش غلط، وكنت هعتزرلك على السهو دة بس إنت سبقتنى بقى بتعليقك
أه واما عن الجزء الخاص بلبس النقاب، فدة كان لدواعى امنية
سمعنا عن حالات سرقة من رجال ترتدى النقاب لتتخفى بفعل جرائمها، سمعنا عن حالات زنا من رجال ترتدى النقاب لتتخفى بفعل جرائمها ……….. وهكذا
لكن الدول اللى منعت الحجاب كان لدواعى التحضر، مش لدواعى امنية
واعتقد إن الحجاب يختلف عن النقاب الحجاب بيظهر الوجهة فلا يمكن ان يتستر بية الرجال لفعل جرائمهم حتى تقوم الدول الشقيقة بمنعة
طيب وبالنسبة للمضيفات والممرضات؟؟؟؟
وكمان هو صعب يعنى أنه يكون هناك سيدة مسئولة أنها تتحقق من شخصية البنت وهى داخلة المدرسة أو وهى داخلة الجامعة؟؟
بص يااخ Mahmoud أنا سمعت عن الممرضات لكن المضيفات !! ماسمعتش عن الموضوع دة لأنى ماعتقدش إن قابلنى فى حياتى مضيفة محجبة مش منتقبة
لأن الزى الرسمى للموضيفة المينى جيب اللى بتبقى فوق الركبة وماعتقدش إن اليونى فورم دة يتماشى معاه الحجاب، مبالك بقى النقاب !!
خد بالك غن شركة مصر للطيران دى شركة خاصة يعنى مش تابعة للحكومة يعنى صاحبها بقى يقول المضيفة تلبس حجاب تلبس نقاب تلبس جلبية فدى بتبقى حاجة خاصة لمزاح صاحب الشركة وتبع سياسة ونظام الشركة، يعنى بيكون التصرف هنا فردى والحكومة مالهاش دخل بالموضوع..
أما عن الممرضات والله اعلم دة قرار نزل فترة وسمعت عنة فعلاً عشان واحدة منتقبة دخلت المستشفى وعلى اساس إنها ممرضة وسرقت طفل من حضانة المستشفى دة غير الحوادث المشابهة لذلك
بس دى معلوماتى ودة اللى اقدر اقولك علية
على فكرة والله يااخ محمود ماتفتكرنيش مع الحكومة اوى ودايب فيها وفى قراراتها وموافقها فى كل حاجة، بالطبع لأ لكن والله العظيم ساعات بحط نفسى مكان اى مسئول منهم وبقول إزاى هتتصرف مع 80 مليون مصرى لأ وغية الشعب المصرى حدق اوى ومفتح يعنى ماتفتكرش إن واحد عبيط او طيب او سلبى هيقدر يسيطر علية..
أنا مش ضدد النقاب بس شايف إن الخمار او الحجاب افضل بكتير لأنك هتسد السكك قدام المجرمين اللى بياخدو النقاب ساتر لجرايمهم
أقسملك بالله هذا الموضوع حصل لواحدة أنا أعرفها
إثتيين منقبات قابلو واحدة جارتنا فى منطقة غير منطقتها وكانت جارتى دى شايلة إبنها اللى عمرة 8 أشهر حاول يركبوها ميكروباص بالغصب ويشدو منها إبنها بالعافية ولولا صراخها وإستنجادها بالناس كان إبنها إتخطف منها وهربو الإثنين المنقبات فى الميكروباص، طب لو كانو الإثنيين دول محجبات مش كانت قدرت حتى تتعرف عليهم فى قم الشرطة وهى بتعمل محضر؟؟؟؟ لكن هى هتبص فى صور منقبات هتعرفهم إزاى ؟؟؟؟
يااخ محمود انا مش ضددة بس صدقنى البلد لما عملت كدة كان لدواعى امنية … طب هى البلد لية منعتة دلوقتى وبالذات ؟؟؟ مش لما كترت جرايم السرقة والإغتصاب وخطف الأطفال ؟؟؟
مش عاوز اطول فى الحديث عشان ماحدش يتهمنى بمحاربة النقاب لأ والله ولكنى بفضل الحجاب او الخمار، لأنهم أوضح
شكرا يا Mahmoud وتقبل مرورى
الممرضات أخى الكريم ممنوعين من الحجاب مش النقاب يعنى لازم يكونوا بشعرهم فى المستشفى حتى لو محجبة برة ….
بصراحة ماسمعتش الموضوع دة يا Mahmoud
ومختلف معاك فى المعلومة دى
لإنى ومن غير ماحلف بس ربنا اكيد شاهد على كلامى
إنى الفترة اللى فاتت زورت ناس أقاربى فى المستشفيات وشفت المرضات محجبات.. والامور طبيعية
ولو فعلا كلامك مظبوط ودة قانون أًصدر فتاكد إن رأيى هيكون من رأيك تمام، لأن دة يبقى ظلم
شكرا لهتمامك وردك على تعليقاتى يااخ Mahmoud
شكرا ليك أخى vip
وسعدت بالحديث معك كتيييير
وخلى بالك أنا قلت المستشفيات العسكرية…..
تحياتى لك ولأخى أيمن وأخى ياسر…
Hi Brothers, I think …Neqab is forming a problem these days with all the threats that we are exposing to it …that is why i agree on people should be able to identify and know who they dealing with…the lady can wear the normal and . elegant 7ijab but doesnot have to cover her face and according to the nurses in Hospitals ..i see a lot of nurses wearing 7ijab and i never heard it has banned anywhere…and with the flight attendants..i have never seen one wearing 7ijab …i donot understand why..and instead of the little minijip..they can wear a long pants and elegant jacket and 7ijab..it shouldnot be a problem ….
NIKAB fard sis Fatima
أتفق معكي أختى نور الله
جزاك الله خيرا وتقبل الله منا ومنكم صالح الاعمال
صباح الخير عليكم
الخمار هوة اللى فرض ياجماعة مش النقاب
حتى كلنا بنشوف لافتات التوعية الإسلامية اللى بتبقى موجودة فى الشوارع بتكون المراة فيها مخمرة إما محجبة، مش منتقبة
بعدين الدين يسر مش عُسر فى حوادث كتير بتحصل من ورا النقاب وبتكون من رجالة، إية المانع لما نعترف بكدة
حالات زنا وحالات سرقة وحالات نصب
وبكررها أنا مش ضددة ومن رأيى إن المراة اللى بترتدية بتكون وصلت لدرجة عالية من الإيمان والتقوى وبارك الله فيها، بس مانختلفش إن فى ناس بتستخدمة غلط عشان كدة بيتمنع وبردة ماعتقدش، إن فى نص صريح فى القران ذُكر فية كلمة نقاب لكن كلمة خمار ذُكرت فى القران الكريم
شكراً وجزاكم الله خيراً
http://www.forsanelhaq.com/showthread.php?t=78554
أخى الغالى vip رجاء منك الدخول على اللينك بعالية فيه شرح لوجوب النقاب.
مع تحياتى واحترامى
جزاك الله خير اخي محمود على link
انا اضع النقاب في الدول المسلمة فقط
لاني اعيش في بلد اوروبي,زوجي يمنعني من لبسه خوفا علي
لكني اتمنى ان البسه ما دمت حيه لان وجه المراة عورة
وجزاكى أختى نور الله …
ربنا يزيدك ومعلش بكره تستقري إن شاء الله فى دولة عربية مسلمة وترتديه على طول وتقابلى ربنا ووجهك منور إن شاء الله ….
ربنا يخليكي أختى نور الله
ويجزيك كل خير
اخويا Mahmoud أنا كلمتك بالقران
قولتلك هاتلى نص او أية فى القرأن الكريم فيها كلمة نقاب،
لكن وجوب النقاب فى زمن الفتن ممكن تكون وجة نظر الشيخ اللى كاتب الموضوع دة هو شايف إن الزمن اللى إحنا فية دة يستلزم النقاب ودى من وجهة نظرة وأنا والله مش ضدد كدة بس زى ماورنا على حلول للفتنة اللى موجودة فى زمنا هذا لازم ندور على حلول للحوادث اللى موجودة فى زمنا هذا بسبب الإستخدام الخاطئ للنقاب…
اعزرنى يااخ Mahmoud انا مش هعلق عن تانى عن الجزء اللى خاص بالنقاب او بالحجاب عشان كتر الكلام فى النقطة دى ممكن اتفهم غلط، أنا مسلم وغيور جدا جدا جدا على دينى وعلى اهل بيتى وعلى كل مرأة مسلمة وأحترم الحجاب والمحجبات لأن اهل بيتى والحمد لله محجبات، لكن فكرت شوية قولت النقاب دة حاجة بترتديها المراة اللى بتوصل لدرجة عالية من الإيمان مش اكتر لكن مش فرض عليها، والدليل على كدة غن المراة المنتقبة ماعتقدش إنها اعلى درجة من المراة المخمرة
فقولت طب الحوادث اللى بتحصل بسبب النقاب إية علاجها ؟؟؟؟
شكرا أخويا Mahmoud وزى ماتفقنا كتر كلامى فى موضوع النقاب ممكن اتفهم غلط لأن مش كل الناس بتفكر زى بعضها وممكن يفهمو وجهى نظرى غلط
أختى NURALLAH
“”لا طاعة لمخلوق فى معصيتة الله””
يعنى ماينفعش أطيع اى بنى ادم على حاجة تغضب ربنا، وطالما إنتى شايفة إن النقاب فرض على المراة المسلمة يبقى تلبسية فى اى مكان وعلى اى أرض لأنى مش هطيع قوانيين دولة فى الأصل تعصى الله… مظبوط كلامى
تحياتى Mahmoud تحياتى NURALLAH
انا قلت يمنعني خوفا علي
لان اخت منتقبة في نفس البلد الدي اعيش فيه حاولوا يغتصبوها لانها تلبس نقاب, لا اعصى الخالق لاطيع المخلوق وانما صعب في بعض الاماكن, في اماكن
متل east london تحس نفسك في بلد مسلم لكن west london يغلب عليه non muslim, زوجي حابب اني البس نقاب , المانع دكرت انفا, ان شاء الله نهاجر لبلد مسلم.
NANA و محمود جزاكم الله خير والله يخليكم وكدلك اخ Vip
أختى NURALLAH
ربنا يهديكى ويحميكى من كل مكروة إنتى وجميع المسلمات المغتربات
وجزاكى الله خيراً،
تحياتى
تحية طيبة لvip,ومحمود من مصر ماحدا بيقدر ينكر وطنية المصريين من اكبر فرد فيها لأصغر فرد ومامنقدر ننسى بيوم من الأيام اننا نحن كعرب ومسلمين كانت مصر أملنا الكبير للخلاص وبنفس الوقت مامنقدر ننكر عبقرية خالد يوسف الشخص الوحيد يلي دخل لقلب المشكلة والوحيد يلي قلنا بفيلم لحين ميسرة انو أطفال الشوارع عندهم نخوة وهم أولاد ناس وخصوصا لما بآخر الفيلم الولد الصغير ومرته بيدافعوا عن ابنهم من البلطجية بيقلنا فيها انو النخوة موجودة لسا بأهل مصر والخير لسا موجود بس الجوع عم يقتل فينا كل شي حلو سعينا ورا لقمة العيش خلانا ندوس على اشياء كتيرة لنقدر نعيش مو بس بمصر ها الشي عم يصير بكل الوطن العربي بس الفرق بينا مامنكر عبقرية مخرجينا يلي دايما بكل الاعمال الفنية بيحكوا عن مشاكلنا يلي بتختلف من بلد عربي لآخر حسب مدى انفتاح البلد على العالم بمصر انكروا نجاح يسرا بعملها يلي بتحكي فيه عن اطفال الشوارع وعم ينكروا عبقرية خالد يوسف ليه لانهم حكيوا عن المشاكل في الشارع المصري يااخي ماهم مصريين كمان وبيقولوا وبفخر نحن من مصر كمان بدك تنكر عليهم قوميتهم لأنهم عم يقولوا وجعهم
تقبلنا تعليقك الكريم أختى مها وتحياتى لكي…
اه وأدعيلنا بقى نفوز النهاردة على أمريكا
الله يوفق الفريق المصري يلي عن جد منفتخر فيه كتير وشكرا لقبولك الكريم الأخ محمود
تحياتى أخت مها
تحياتي لك أخي vip
السعودية تطبق الحدود على الفقراء فقط
الأخوة المعلقين والمعلقات
شكرا لكم جميعا
وأعتذر عن التأخير في الرد عليكم جميعا حيث أن النت كان معطلا حتي أنني أرسلت المقال من كافي نت واليوم فقط عمل النت في منزلي
وأرجوا أن لا نأخذ الموضوعات بحساسية ونعتبر هذا هجوم علي مصر لا هذا هجوم علي النظام المصري وليس هجوم علي مصر .
وأيضا أعتقد أنه لا يوجد مقارنة بيني وبين خالد يوسف لأنني أولا واخيرا كاتب هاو وهو مخرج محترف كما أنني أضع الحلول مثلما كتبت في المشروع القومي للنهوض بالتعليم وكذلك موضوع عقود رعاية للمدارس والمستشفيات ولكن لا حياة لمن تنادي
وأيضا هذا المقال لا يسئ لمصر لانني طرحت سؤال وللاسف لم يجيب عليه أحد . في هذا المقال لم أطالب بتطبيق الشريعة ولكنني طرحت سؤل هل فلسفة النظام تتفق مع النظرة الإيمانية لجسد الإنسان ( لا النظرة الإسلامية) أم تتفق مع النظرة الإلحادية ؟؟
فالنظرة الإيمانية لجسد الإنسان يتفق فيها المسلم والمسيحي واليهودي وهو أن جسد ملك لله وبعد ذلك تختلف الأديان في عقاب ومعالجة الزنا أو الشذوذ ولكنها جميعا تتفق علي رفضه وعدم السماح به.
أما النظرة الإلحادية فتقول انه ملك للإنسان وبالتالي فهو حر في التمتع به كيفما شاء ولو باللواط والسحاق وهذا ما هو مطبق بشكل علني في الغرب . والكنائس تعترض عليه .
وبالطبع الأحكام التي صدرت أو التي ستصدر في القضيتين اللتين اشرت إليهما لا تنتمي صراحة إلي النظرة الإيمانية لأنها تعاقب عقاب مشجع وليس رادع كما أنها لا تتفق تماما مع النظرة الإلحادية لأن النظرة الإلحادية لا تعاقب أبدا بل تسمح وتشجع .
والسؤال مرة أخري وبوضوح شديد هو
هذه الأحكام التي صدرت في هذه القضايا تميل وأقرب إلي أي من النظريتان
أرجو الإجابة علي هذا السؤال فهو لب الموضوع
وشكرا وأعتذر مرتين الاولي للإطالة والثانية للتأخير في الرد
شكرا لكم جميعا
اولا احييك اخي ممدوح على مساهماتك المتميزة _ اسمح لي اولا ان اعلق على طريقة تعليق بعض السادة المعلقين التي لاحظتها في اكثر من موضوع وهو ان البعض لايعلق في الحقيقة بل يتسلق الموضوع المطروح بنية طرح رأي اودعاية لمبدأ ! مع ان الهدف من هذه المساحة الحرة من هذا المنبر هو تبادل الافكار بناء على فكرة مطروحة ! اذا أخذنا موضوعك مثالا سنجد ان سؤالك ظل كما هو لم يمس وبدلا من ذلك اقرأ الكثير من العبارات التي تركز على رفض الفكرة من أساسها واحالة الموضوع بالتالي الى اتجاهات أخرى مغايرة ربما لماطرح في موضوعك ولكنها بسبب افكار مسبقة وربما جبن عن الاجابة لسبب اولآخر لاأجد جوابا محددا للسؤال المطروح ولسان حال هؤلاء يقول وانت مالك !! اعتذر على الاطالة واقول اخيرا مستعينا بالله ان الوقائع التي ذكرتها دليل على أن القضاء لايستند في أحكامه ( في هذه الأيام على شريعة منزلة بل على مزاج فاسد ! حتى لإأقول قوانين فاسدة فالقضاء المصري ليس سيئا الى هذا الحد الخلل في من أوكلت اليهم مهمة الاجتهاد لانهم على مايبدو لايستندون الى كتاب اوسنة بل الى تجارب اخرى آتية من مجتمعات أخرى تتبع قوانين لا تتشدد في مثل القضايا التي تكرمت بذكرها _و عذرا على الاطالة
الأستاذ ممدوح بالنسبة لقضية تبادل الأزواج هذه تسمى بقضية دعارة وقضايا الدعارة باكثر المجتمعات العربية الإسلامية الحكم فيها على الجناة بالسجن لمدة معينة بتختلف من بلد لآخر بس ها الشي مابيعني ان أحكام هي الدول الإسلامية مابستند للشريعة الإسلامية او ما بتقدر تقول انها الحادية يعني بعمري ماسمعت انو في دولة اسلامية يمكن بس السعودية اقامت الحد على زاني او زانية بعدد من الجلدات لو شفنا هيك شي لكانت الجمعيات الانسانية بالعالم قومت الدنيا وقعدتها نحن عالم ثالث مامنقدر نطنش العالم الأول وجمعياته الأهلية وبالنسبة للمدرس هادا شخص وسخ غرر ببنات قاصرات يعني لازم اعدام القاصرات لحتى ما تقول انو الحكم مستند عا الشريعة الاسلامية و تقول عنه إلحادي إذا تم الستر على البنات القاصرات الله بيستر على اللي بيستر, أما النقاب فوجهة نظر المشريعين صحيحة وكتير صارت أحداث من رجال تخفوا بالنقاب لعمل أشياء سيئة والدين واضح لما أمرنا الله بالحجاب والزايد أخو الناقص هي وجهتي نظري وشكرا
الأستاذ ممدوح أنا آسفة إنت ماذكرت موضوع النقاب بس من كتر ماقرأت وجهات النظر ظنيت انك ذكرت بسؤالك عن موضوع النقاب ومنع إرتدائه,
الأخوة المعلقين والمعلقات
1) صدور هذه الأحكام لا ينقص من قدر القضاء المصري لأن مهمة القضاء تطبيق القانون لا التشريع فالتشريع سلطة منفصلة عن سلطة القضاء وبالتالي القاضي لا يستطيع أن يحكم بخلاف التشريع الموجود
2) هناك في القانون ما يعرف باسم ( الظروف المشددة للعقوبة) بمعني أنه أذا ارتكب انسان عادي جريمة ما وارتكبها في نفس الوقت المدرس داخل مدرسته أو مستغلا عملا في ارتكاب هذه الجريمة أو امام جامع أو مسئول عن تربية الشباب في النادي أو مركز الشباب أو أب أو زوح حيث حرض أبنائه أو زوجته علي ارتكاب هذه الجريمة ففي هذه الحالة تكون العقوبة أشد من عقوبة المواطن العادي لأنه يعتبر خان الأمانة حيث المنوط به التقويم والإصلاح فإذا به يكون دافعا للانحراف .
وبالنظر لقضية تبادل الزوجات فإن الزوج بالإضافة إلي أنه زني فأنه حض وشجع وعاون زوجته علي الزنا وهو المنوط به التأديب والنصح والارشاد فكان يجب أن يكون عقوبة مشدده ( بعض النظر عن الشرع)
فهل تم تطبيق هذه القاعد القانونية وهي ( الظروف المشددة للعقوبة) !!
شكرا لكم جميعا