إضحكك كركررررررر .. إوعى تفكرررررر

مرة جماعة راكبين عربية أجرة

و مسافرين و السواق عمال يجري بسرعة قوي
واحد قاله ياعم هدي شوية
السواق قاله: بتفهم في البيجو
قاله: لأ

السواق : طب إخرس

سرعة العربية عمالة تزيد ..

فواحد ثاني صرخ : يا عم هدي شوية .. هتموتنا الله يحرقك

السواق : بتفهم ى البيجو

الراكب : لا

السواق : طب إخرس

العربية بردو سرعنها بتزيد أكثر ..

فصاح واحد من الركاب : يا عم إرحمنا .. هنموت كلنا كده .. هدي شوية

السواق : بتفهم فى البيجو ؟؟

الراكب : أيوة بأفهم فى البيجو

السواق : طب تعالى وقف العربية بنت المجنونة دي

…………….

واحد ماشي وراء واحدة طويلة وجسمها رشيق وشعرها رائع

 و قال لها: أنا عندي عمارات و أراضي وسيارات…

فالتفتت بوشها ناحيته .. وكانت وحشة قوي 

 قالها: بس يلعن أبو القمار اللى ضيع مني كل حاجة ..

…………………………

بطيخه بتقول للخضار متخلوش البصل ييجى هنا
علشان الناس بتطفش
البصل سمع الكلام فزعق وقال :
تروح تشوف نفسها الصايعه
اى حد يطبطب عليها تروح معاه

………………………….

سواق قتل 60 واحد في حادثة….

لما سأله الظابط ليه قتلتهم؟

قال له : أنا كنت ماشي وبعدين فجاة العجلة ضربت منى ..

ولقيت على يميني فرح وعلى شمالي رجلين … ادخل في مين ؟

قاله الظابط :ادخل في الرجلين..

 قاله ما انا دخلت في واحد والتاني دخل الفرح فدخلت وراه ….

……………………

واحده قالت لجوزها : بمناسبه 25سنه على جوازنا ادبح خروفين

 قالها :  وايه ذنب الخروفين فى غلطه ارتكبها حمار

…………

مسطول حاضر عزاء واحدة حلوة

 المقرئ قال : اذكروا محاسن موتاكم

قال المسطول:  الله يرحمها …كانت صاروخ!!

…………..

عبيط  قاعد يمتحن جاله سؤال : ضع ” إن ” فى جمله مفيدة

 كتب :  اشتريت تليفون  إن سبعين

…………..

ابن هيفاء وهبى بيعيط فى الفصل سأله المدرس :
مالك؟

 قاله : عاوز مامى ..

 قاله : اقعد وانت ساكت ياحبيبى كلنا عاوزين امك وقاعدين ساكتين

…………….

مسطول  قاعد عالشط شاف واحد بيغرق
كل ما يرفع ايده يقوله المسطول : وعليكم السلام

………………………….

واحد بالمستشفى لسه خارج من العناية المركزة ويدوب فاق من البنج

ومراته بجانب سريره ..

فبص لها نظرة كلها رومانسية ..

وقالها  :  “انا لما انطردت من شغلي كنتي جنبي ..

ولما الشركة الثانية اللى رحتها فلست كمان كنتي طول الوقت جنبي ..

ولما عربيتى اتحرقت .. كنتى بردو جنبي ..

ولما وقعت ودخلت العناية المركزة كنتي واقفة بردو جنبي…”

وراح ماسك ايديها بحنية وقالها : “مش عارف ليه حاسس ان وشك نحس عليا “

……………………

شيخ قبيلة جمــّـــع أفراد قبيلته وقال :
إذا فينا واحد غبي لازم نذبحه
نادى أول واحد وسأله :  3 + 5 يساوي كام  ؟  قال له : 8
أفراد القبيله كلهم بصوت واحد : أعطيه فرصة ثانية

…………………………

في مره واحد غبي صوابعه متكسرة وملفوفه بالجبس…….
سأل الدكتور: اذا خفيت وفكيت الجبس .. ممكن أقدر اعزف على البيانو؟؟
قاله الدكتور: طبعا..
قال: غريبة مع اني ما كنتش بعرف اعزف على البيانو قبل كده ..

………………..

محشش بيقول لصاحبه  : ودلوقتى و بعد ماأطحنا  بمبارك وإنتصرت الثورة .. حنعمل إيه ؟
قاله صاحبه :  حنقابل تونس في النهائي …..

………………….

الصداقة بين النساء :
لم تعد الزوجة بيتها ذات ليلة … وفي اليوم التالي قالت لزوجها أنها كانت
نائمة عند صديقة لها ..! إتصل الزوج بأفضل عشر صديقات لزوجته فأنكر الجميع
رؤية زوجته تلك الليلة .

الصداقة عند الرجال :

لم يعد  الزوج  بيته ذات ليلة …

وفي اليوم التالي قال لزوجته :  أنه كان نايم عند واحد من صحابه ..

اتصلت الزوجة على عشرة من أعز اصحابه لتتأكد ..

ثمانية منهم أكدوا انه كان بايت عندهم ..

واتنين أقسموا انه لسه  نايم عندهم لغاية دلوقتي .

…………..

تحياتي