اربط و انوي …هادي بوقالتك !!!

مرسلة من صديقة نورت imene1114

في قديم الزمان اقتسم سكان العاصمة الجزائر المكان

فاصبح للرجل الشارع و للمراة السطح.

وبما ان كل البيوت متراصة سمح ذلك للنسوة بالانتقال عند بعضهن البعض

و اثناء اجتماعهن كانت البوقالات سيدة الجلسة

حيث تنوي الواحدة بينها و بين نفسها ان تهدي البوقالة لأحدهم

و يقال أنها كثيرا ما كانت ” أي البوقالة ” تعبر عن حالة صاحبتها.

أما فائدتها فكانت حينها السلوة الوحيدة لنساء العاصمة.

**

فالبوقالة من التقاليد العريقة في العاصمة الجزائرية

حيث كان النسوة يتفنن في ابتكار الحكم

” على الطريقة الجزائرية “

فإليكم بعضا منها

كل واحد يدخل يختار واحدة

ان شاء الله تكون فال خير عليه

اريطوا شي و انوي على شخص ما ثم
اختاروا من 01 ل 10

باسم الله بديت ..و على النبي صليت …وعلى أصحاب الأسماء ألي في نورت هاذ البوقالات نويت:

01- نطلب ربي الفتاح يعطيني نحل (افتح) البيبان ( الابواب) و نشوف الهناء و نرتاح .

02- هبطت لقاع البحر ، فرّشت زربية ، خرجت لي جنية ، قالت لي واش (شو) بيك يا بنية ؟ قلت لها راحوا حبابي و خلاوني(تركوني) وحدانية.

03- رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.

04- يما يما(امي امي) ديريلي تويقة(تاقة او نافذة) في وسط الحديقة باش (كي) نشوف زهرى كي تجيبو ذيك الوريقة(الورقة).

05- ديدو..ديدو (يا عم)..أنا سعدي مليح(منيح) ، قنديلي ضاوي ، البنيان إلى بنيته قع(كله) سجالى(سجى لي) ، بنياني فوق غرفة و لي يخصني يكملهولي(يكملي ياه) العالي(اي الله) .

06- عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش(كي) تكمل الحضرة.

07- الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات(ست) النسا(النساء) تنال المرغوب.

08- خرجت نهار الجمعة ، في يدى شمعة ، قالولي أمسحى ذيك(تلك) الدمعة ، و انساي الخلعة(الصدمة) ، قريب يتلموا احبابك و اصحابك و يفرحوا معاك الجماعة .

09- الناس تنده(تنادي) بالرجال و الوالي ، وانا ننده(انادي) بربي العالي

10- حوم حوم يا حوام(الي بيحوم) ، حوم فوق السطح العالي ، و قول لها يا لالة(ست) يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة.

11- يا شمس واش بيك ذابلة ، إذا بيك الزين راني (فاني) نفكر فيك ، و اذا بيك الزهر(الحظ) ربي ما يتخلي عليك .

12- قطّعت اللحم بيدى و عملت بذور ، و سمعت الكلام بوذنى و عرفت من قالو ، يا قايلين الكلام القبيح واش(شو) تربحوا ، أنا طاوس في القصر و انتم خفاش النهار ما يضواله.

13- جايز(مار) على باب دارنا ، لابس تلمساني(لباس مدينة تلمسان) ، قتلو يا شيخ بالاك(اوعك) تنساني ، قاللها والله ما ننساك ، ونصيبك على ربي جاه و سلطاني.

14- امّنت بالله ، و المنام رؤية من عند الله ، حمامة بيضا جات ترفرف عليّا(علي) ، معاها حصان توقّف بين يديّا(يداي) .

15- حليت(فتحت) باب الجنان(حديقة) لقيت الملاح رقود تنهدت الدالية و تحرك العنقود قال القمر فالسماء اذا تنكشف على السحاب يذوب خلي الحبيب لحبيبو و اللي في قلبو حاجة الله يبلغ المقصود .

16- يا لي( يا من) جايا من العين و بيدك مليتي السلة سبحان من أعطاك أزين(الجمال) و زاد في بهاك ذيك الحلة .

17- النور يا النور و النور عينيا طبطبوا(دقوا) على الباب و جابو لي اللي عزيز عليا راني(انني) نتمنى من ربي يجي يطلب يدي من اماليا(اهلي)

18- الشمعة يا لشمعة يا لشمعة الضواية لو كان نعرف وشبيك(شو بك) نمسح هذيك الدمعة من خديك و نرد(بخلي) وجهك مرايا(مرآة) يا ربي يا معبود اقبل دعاية(دعوتي) يا رجع لي زهو الزمان ويعيا الحبيب قاعد معايا .

19- فاطمة يا فطوم وين ما تكوني نرسلك مرسول إذا سكنتي البحر نرسلك عوامة وإذا سكنتي السماء نرسلك حمامة و إذا سكنتي القبر يحاسبك مولانا .

20- علاش(ليش) يا لالة(ستي) التخمام(التفكير الممزوج بالحيرة) رحمة الله واسعة و كبيرة لو كان جات بالكلام نتحدثوا و نعطوك تدبيرة(دبارة) بصح كل شي بالمكتوب ويعيا(الا ما) الخير يبان و تزول عليك الهموم و تروح الحيرة .

ههههههههه و هاي الحقيقة انا اول مرة بشوفها و اذا تسمحولي انا بهديها لكل الجزائريين لان خاصة فينا

جـــزائري وأفتخــــر واللــــي مـــــو عاجبــــــــو ينــــــتحر
ويكـــتب علــــى قـــبرو حـــــاول يتحـــــدى ومــــــاقــــدر!!!

يا رب الموضوع ينال الاعجاب و اذا ما فهمتوا شي اطلبوا الخدمة هههههه يا رب ما كون خارج التغطية

مــــلاحظة: البوقالات كثيرا ما نقوم بها في سهرات رمضان ,,,
و رمضان ميارك للجميع … صحا رمضانكم