اهليه بمحليه

مرسلة من صديقة نورت الين

محلل : سمعت شو صار بالأتراك .. شي بقطع القلب
– مفكر: طبعا سمعت ليش في حدا بالبشرية ما سمع
– محلل : من ناحية السمع الكل بيسمع .. يا زلمة مين كان بيتخيل انه كان ممكن انا وانت نقعد نحكي بالموضوع ؟
– مفكر: يا اخي هاد الاعلام الحقيقي وهي هية شغلته
– محلل: مزبوط هي شغلته بس كمان لا تنسى انه الحكومة التركية هية اللي لعبت على هلوتر وهية اللي حركت القصة .. لك بتصدق انه بنتي صارت تشوف اردوغان بمناما جاية على حصان ابيض ليطلب ايدها !
– مفكر: يا سيدي شيلنا من بنتك وخلينا بالفكرة نفسا.. بتتخيل كنا انا وانت ممكن نقعد هلق نحكي بهلموضوع لو كان صاير هلشي مع حكومة عربية ..وينك .. بشرفي بشرفي .. ما كنا سمعنا فيها حتى .. كل اللي صار كان اللهم اعلان استناكر او احتفاظ بحق الرد لأجل غير مسمى ..
– محلل : مزبوط مزبوط
– مفكر : بس لسع القصة ما خلصت وفي الها تكملة لأن اليوم سمعت انه رح توصل سفينة ايرلندية جديدة بتحمل اسم “راشيل كوري” مشان تكسر الحصار
– محلل :كوري ما غيرها ؟ تبع الاشعاعات واليورانيوم وهلقصص ؟
– مفكر : لك لا لا هي وحدة اميركية ناشطة بحقوق الانسان استشهدت بقطاع غزة وقت كانوا الاسرائيلية طالعين بالدبابات عم يهدمو البيوت الفلسطينية .. وقفت بوج الدبابة قامت الأخيرة فعستها
– محلل : فعستها !! الله يسترنا على هلموتة .. ومن امتى هلشي ؟
– مفكر : يا سيدي هاد صار بسنة 2003 اذا ماني غلطان
– محلل : العمى معقول صار هيك شي وما حدا من الاعلام العربي او الحكومات العربية عرف يحرك القصة لمصلحته .. الكل بيحكي بالأخوة العربية الاسلامية وما حدا خطرله يتبنى الفكر الانساني ويقدم اسرائيل على حقيقتها كعدو للانسانية بالمرتبة الأولى .. لك هاد دليل كان ممكن يحرك العالم كله ويوفر كتير ارواح لو عرفوا يستغلوه ! معقول مافي حدا فيه مخ بكل هلاعلام والحكومات العربية الشقيقة ؟!!!
-مفكر : يا اخي لا تحمل الاعلام ذنب كلشي .. نحن شعوب مقهورة وما طالع بايدنا شي .. ايييييييه ذكرتني بالعظيم هتلر الله يرحم ترابه وقت قال : ” لقد كان بوسعي ان اقتل كل يهود العالم لاكني تركت القليل منهم لكي … ”
– محلل :لك خراس يا دب خراس يا غبي قال مسمي حالك مفكر لك انت انت ..استغفر الله العظيم ..ولك مافي غير الاغبياء اللي متلك انت واللي عم تكرروا هلحكي عم يخلينا ورا كل البشرية .. محروق قلبك ما منختلف .. بس انك تقعد تمجد بشخص كل البشرية متفقة على انه مجرم ومن بعدا بتقول ليش الاعلام الغربي بصورك على انك سفاح وارهابي !!! اذا عم تعظم رجل سفاح وتقول عنه عظيم وطارش حكيه اللاانساني بكل غرف بيتك وبيت قرايبينك وعلى كل مقاعد المدرسة وحيطان الشوارع والملاعب وعاملي كتابه ولا كأنه نصوص مقدسة أو احاديث شريفة ! لك هاد بنظر كل البشرية مرتكب جريمة ابادة جماعية وحكيه هاد بيندرج ضمن الارهاب الفكري وتفكيره هاد يا مفكر يا فهمان يعتبر دوافع لتصرفاته فكيف بدك العالم توقف لمصلحتك لك كيـــــــــف؟!؟!
– مفكر : هلق حاج تنحمق وتشلشني من تحليلاتك ..خبرني امتى كأس العالم ؟
– محلل : ح يبدا بـ 11 بالشهر
– مفكر : اي منيح لوقتا منكون نسينا شوي
– محلل: اي اي برياحة
منقول عن syriel net
**
السؤال :
يا ترى اكيد بيكون نسينا؟؟؟
اذا نعم
معناها كل شيء بهذه الدنيا يصب بلنهاية لصالح اسرائيل
حتى كرة القدم…كأنهم متفقين .