تحية للاخت سعاد

مرسلة من صديقة نورت فاتي

اختى سعاد كل سنة وأنتِ طيبة اولاً، بمناسسبة ايه ما اعرفش لكن كل سنة وانتِ طيبة وتفضلى طيبة انتِ وكل انسانة محترمة زيك ما شفناش منها الا كل خير واحترام وطيبة…. وطبعا ده لا نفاق ولا مبالغة منى، الكل يشهدلك بحسن الاخلاق هنا فى نورت.
اختى ما اصابك يصيبنا واى كلمة او لفظ او تصرف يجرحك فهو بيجرح اى بنت منا، لاننا المفروض كلنا هنا اخوة واسرة واحدة واللى حصلك غير مقبول بالمرة.
لكن ليا عتاب ليكى يا اختى العزيزة ونصيحة اتمنى تتقبليها منى:
اللى حصل فيه جزء انتِ مسئولة عنه بشكل غير مقصود طبعاً…. يعنى لما تلاقى شباب بيتناقروا مع بعض او بيتقدوا بعض او حتى بيشتموا بعض، فالطريقة الافضل انك تبعدى خالص ولا تتدخلى حتى لو كان ليكى ملاحظات على تصرف بعضهم، وعلى فكرة دى مش سلبية، ده حفاظ على نفسك من شظايا الفاظهم الجميلة اللى مابتميزش المحترم من غبير المحترم.
تحياتى يا سعاد، ومالقتش حاجة اهديهالك الا الكلام ولو انه مش منمق وباللهجة العامية بس سامحينى.