مراتك……ولا……شغلك ؟؟

مرسلة من صديقة نورت Shahira

رجل يُسأل هذا السؤال فيُجيب:

كل نساء العالم يتهمن أزواجهن بأنهم بيحبو الشغل أكثر منهم

وأنا اصالة عن نفسي ونيابة عن الرجال أعترف بأن هذا صحيح…… صحيح ليه….؟؟؟؟؟؟؟

لي أسبابي ومبرراتي التي أرجو منكم التفكير فيها بعين العقل:

1- الشغل بيصرف عليّ …. بس أنا اللي أصرف عليها!!!

2- في الشغل ممكن تزعق براحتك و زعيقك يجيب نتيجة… مع مراتك صعب انك تزعق براحتك ومهما زعقت مش هيجيب نتيجة.

3- ممكن تزوغ من الشغل في أي وقت من غير ماحد ياخد باله أو حد من الزملاء يغطيك … أنما تزوغ من مراتك .. هيهات ..أنسى

4- في الشغل عندك مدير ممكن ترضيه لو اشتغلت كويس. إنما مراتك لو عملت قرد .. حمار .. أي حاجة مش ممكن ترضيها !!!

5- في الشغل من حقك تاخد أجازه…عندك عارض واعتيادي .. دا غير يوم الجمعة….والعطلات الرسمية…..بصراحة الشغل خفيف ع القلب أنما مع مراتك…مش ممكن تاخد أجازه……بالعكس دانت لازم تلزق فيها يوم إجازتك و إلا يبقى نهار اهلك مالوش ملامح…..!!!!

6- في الشغل ممكن تترقى و تاخد منصب بيه….وباشا كمان ويبقى لك مكتب لوحدك ….. و مراسل……و سكرتيره خاصة …. والكل يضرب لك تعظيم سلام…. في ا لبيت ح تعيش زوج وتموت زوج…… واللقب الوحيد اللي ممكن تاخده لما تنادى عليك مراتك وتقولك…. يا بابا……أو……. .يا حاج………. ولما تعجز وللا تتشل … تقولك…..يا بركه

7- الشغل لو زهقت منه ممكن تسيبه بدون مشاكل…. وبسهوله …. أنما مع مراتك……لو روحك طلعت…..لازم تفكر مليون مره…..في المحاكم والمؤخر و النفقة.. والعيال

8- في الشغل…لو سبته ….أو بلغت سن المعاش بتاخد مكافأة كبيره….ومعاش…وحفله تكريم …. أما مراتك لو سبتها قبل ما تموت… أنت اللي ح تدفع مكافأة ومؤخر ونفقه……وشقه كمان……. وتتحبس لو ما دفعتش

9- ممكن تغير شغلك وتتنقل لغيره لو لقيت شغل أحسن منه…….. في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها……..

10- في الشغل….متأمن عليك عشان لو حصل لك حاجه…… ولو حصل لك حاجه…..مراتك هي اللي هاتقبض التأمين

في النهاية … بتحب مين أكتر…مراتك ولا شغلك ؟؟

أكيد مراتك … أحسن يوقع دة في ايدها … تبقى مصيبة