مرسلة من صديق الموقع قاسيون
سؤال تردد صداه كثيرا بداخلي : من نحن ومالذي يجمعنا هنا في نورت ؟.
هل نبحث عن شريكة للزواج , أم مقالات نتسلى بها أم نتبارى كرجال أو نساء ,, انظروا كم انا جميل أو وأين مديحكم بما اكتب ,, أو أخالفك الرأي اذا أنا موجود .
قبل أقل من شهرين , وبالمصادفة , دخلت موقع نورت . كثيرون يكتبون يتصايحون , يقلبون الكراس فوق رؤس بعضهم, وبلحظة , مثل الصغار الاخوة , يتعانقون وينسون مامضى ..
في البدء كتبت بعض الكلمات لاقول أنا موجود , علَّ أحدهم او احداهنُّ ترد بكلمة لتشعرني بوجودي . لكن وبسرعة اكتشفت أن هناك شئ ما داخل هذه الزاوية .. من كل بستان هناك زهره بلون وعطر متميز ..لن أعدّ كلها .. هاهو top الوقور يمسك عصاه ,كاستاذ جليل , يلوح بها امام من يخطئ , وايمان الأم الحنون , التي تمسح بعباءاتها عنا التعب..
ندى , koky , elin, اخيليس ,فاتيما,حنان, ميمو, متيم,faten,مرمر, نور,مي , سوزي المشاكسة وال baldoser برناندتشو بتعليقاته المقتضبة واللاذعة , الفجر البعيد ,vip رغم هموم العالم على كتفيهما ,يمسكان ايدينا وبحب يقولان انتم اخوتي , مصطفى يجمع الأصوات بهمه ليقدمها في اليوم الثاني لاستاذه وأصدقاءه في المدرسة قائلاً انظروا , ها نحن العرب وهذه نتائج التصويت , عبد الوهاب كأم العروس , يقدم التهاني والفرح للاخرين , ويندس خلسةً هاربا , يكتب كلمات الفرح وينثرها .
ماالذي يجمعنا كلنا هنا ؟ الملل , الغربة,هموم الوطن..؟
اكتشفت ان ما يجمعنا هو ..الكلمة , قٌّل كلمتك لأقول لك من أنت .. نعم ففي البدء كانت الكلمة ..نبحث عن أصدقاء تجمعهم الكلمة .
أشعر الآن أني لم أعد وحيدا ..سافرت طويلا,مررت بالكثير من الأرصفة , عشقت ,تمردت, شربت القهوة البارد,ونمت على الارصفة ..لكني بقيت وحيداً ..
لا أحد….
النافذة معلقة
لا أحد ينقر الزجاج
إنها المطر .
لا أحد يسأل الساعة
كم غبار وقت مضى
لا صديق يعبئ حيزاً
ولا إمرأة ترميني بقبلة
لا أحد ..
فقط فيروز وجثتي
تملآن الصمت
وبعض سجائر ميتة
لآخرون مروا
ولم يعد أحد .
………..
……….
إنتظروا
ثمة ضجيج أيقظ الباب
……..
إنها الريح
لا أحد .
هذه الكلمات كتبتها من قبل , لكني الآن أشعر أن لدي أصدقاء جميلون , انتظرهم كل صباح ومساء , نشرب القهوة معاً وتمتزج أحاديثهم بطعم الهيل .
مرحبا , أنا أتيت ..
رُّبَ أمٍ لك لم تلدها جدتك..
إم باليد أحسن من عشرة على الشجرة .
ايمان صدقاً فيك ألأمومة . بتعرفي عيد ميلاد ابني 13.12 , واسمه عبودة كمان..صار عمره 7 سنيين عايش هلق مع أمه .
كل سنة واني أم ياايمان .
اهلين قاسيون الله يخليلك عبودة يا رب ههههههههههههههه يعني الجدة و ابن ابنها بنفس اليوم يا عيني…بس و الله شكرا على الموضوع
عجبك الموضوع
اييييييييي كتير كتير و الله…تسلم و الله انا ما بعرف كيف رد على مواضيع هيك يعني هههههههههه انا امكاناتي مو كل هالقد…بس و الله كتيييييييير حلو تسلم
شكرا الك كلماتك البسيطة بفتخر فيها وبعلقها وسام على جبيني .
عزيزتي فاطمة شكرا لكلماتك الطرية ..تساؤلات صغيرة داعبت روحي كتبتها فقط .
الله يخليلك هالجبين فوق بالعالي و لا يوطيه الا بالصلاة و السوجود لله يا رب….
اي كيفك اليوم و شو اخبارك
والله بردان ..
التدفئة عندي قاطعينها , خليها لالله .
و النعمة بالله بس ليش ما تشتكي و الله حرام …
على مين بدي اشتكي .. خليها مستورة . والشكوى لغير الله مذلة .
اي صحيح بس لا تخاف دعوات امك معك…
اي الله يبعتلك الدفا لوين ما رحت يا رب ههههههههههه قول امين…
كلمات بتعطيني دفء العالم , يسعد الله بابن الحلال يللي يستاهلك .
انشاء الله…بس مو هلق ههههههههه
هلق الدراسة و بعدين بيفرجها ربنا انشاء الله…اصلا مو باقيلي كتيير و خلص
العرسان اكثر من الهم على القلب , كلما تفتحي باب بتلاقي عريس .
بس مو أيا باب بتفحي حتلاقي الشهادة .
شفتي شو عملت سوزي .. انسانة مو طبيعية , مبدعة
اي و الله صحيح …لك شو هالابن هاد يا ربي هههههههههههه بيحكي جواهر.
هههههههههههه اي و الله لك طلعت هي ايفا اخت العرب ههههههههه
بس خسارة انا كنت حابة تفضل و الله كتيير حبيت ايفا
اصلا سوزي انسانة ما في منها اتنين هههههههههه كتيير بتعمل جو و حركة و بدخل الفرحة للقلب و الله
انا صعقت من هذه البراءة والبكاء كأن طفلة أضاعة أمها ..
والشيخ يوسف هرج , بحثت فعلا عنه في النت لم أجد شيئا
مسا الخير ياكرارين ههههههههههههه
اهلا مرمر ..كنا بخلوة انا وماما .. كيفك مرام
هههههههههههههههههههههه انت بحثت عنه عن جد يا قاسيون هههههههههههه و الله انت عنياتك و شو طلعلك يا ترى…
اهلين مرامو كيفك جبيبتي…
والله دورت عليه , مالقيت ولا حتى مطرب بهذا الاسم
الحمد الله كيفكون نيالكون انتو بتكرو وانا عم ادرس بكرا 3 مواد عندي ادعولي هاااااااااااااا
قاسيون انت تعرف الشاعرة اليمنية عيشونة المبارك….ههههههههههههه هي كمان ظاهرة انسانية غير معقولة. هي و الشاعر الدكتور احسان
احلى شئ ندى حطت عينها على اخوها لايفا ,بدها تطلقو من نسوانوالاربعة
ههههههههههههه اي و الله ندوش طلعت من المقلب من غير عريس ههههههههههه…
ااااااه الله معك يا مرامو و يوفقك انشاء الله يااااااااااااااا رب بس انت شديلك اللهمة شوي ااااااه بدنا تبيضيلنا وجوهنا
اول شئ الله ينجحك مرام كلي الكتاب اكل .
بالنسبة للشاعرة والشاعر لن اتكلم عنهم حرفا , قرأت ماكتبوا , وأنا هنا ابحث عن أصدقاء ولا ابحث عن اعداء .
ههههههههه انا قلتلكون هي وحدة من الموقع ماصدقتوني اهلينننننننن ايمانو كل عام وانت بخيررررررررررر
تصحيح الهمة و ليس اللهمة…
مساء الخير
لكني سأسرد لكم قصة ..من زمان في جامعة دمشق كان هناك طالب يقدم نفسه الشاعر…..,وأصدر ديوان وزعه على المارة لأن أحداً لم يقرأه .
عنوانه ثقب الأوزون .
مرحبا بندوش اهلين بعروستنا و الله ههههههههههههههه
طار العريس يا ندى شو رح تعملي
مساء الندى , كنا عم نحكي عليكي ما طنت ادنك
ولا يهمك ندوش , ايمان مخبتلك عريس تاني , نسيت اسمو .. الشاعر..احسان عبد القدوس
يا جماعة قاسيون و مرامو و ندوش اجاكم هلق سلام من ميمو عم يسلم عليكن…و انا وصلت السلام
هههههههههههههه لا يا قاسيون و الله ندوش تستاهل احسن و الله اصلا الشاعر انسان محطم لان عيشونة محطمتو من زمان بشعرها هههههههههه
الله يسلمك ويسلمه ..ندوش هربت بعد ماسمعت بالريس , ومرام راحت تدرس , لازم عندها امتحان بكره
حبيبتي ايمان انا اساسا كنت امزح
انا متزوجة بعد علاقة حب وعندي 3 اطفال بنتي الكبيرة تعمل هذه السنة ابيتور يا ايمان
بس ما يمنع ندور لندوشتنا ععريس لقطة من مقامها…
شعر محطم لشعراء متحطمين
ندى انا بعرف متزوجة عم نمزح ..
هههههههههههههه الله يخليلك الاولاد يا ندوش و يديمك فوق راسهم يا رب و يخليلهم ابوهم كمان ليتربو بعزكم انشاء الله…بعرف انك كنتي تمزحي
قاسيون انت درست هنا المانيا
لأ , بالشام , بس تغربت هون بالمانيا
يعني انا بس اللي مو ام هون…يعني انا ام معنويا هههههههههههه
الله يخليلك نعمة الاولاد يا رب و تفرحو بيهم
ايمان والله كل الامومة فيكي
مــاشــاء الله عليك
لقد جمعت كل المعقبين والمعلقين على مختلف مقالات الجريدة جمعتهم كلهم
عنوانك شد الكل ووجدوا انفسهم بعفوية يعلقون على مقالك وعلى كلماتك وانا واحده منهم.
تحــياتي اليكم جميعا .
لو تعرفي يا ايمان تربية الاولاد كم هي صعبة هنا في الغربة ( غير عادات بلد لا يؤمن بوجود الله ) كل هذا جهة!!! سرقة الاطفال واغتصابهم جهة اخرى … انا دائما قي قلق على اطفالي يا ايمان
شكرا يا قاسيون…
اهلين سلمى…