حدّد علماء جيناً يحرق الدهون في الجسم ويصبح ناشطاً بشكل خاص عند التدخين. ومن شأن الدراسة، التي أعدّها علماء في جامعة كورنيل في نيويورك حول هذا الموضوع أن تشرح السبب الذي يجعل النحفاء يزدادون وزناً بعد توقفهم عن إشعال سجائرهم.
وذكرت صحيفة الدايلي مايل يوم الاربعاء أن مقارنة ملايين الخلايا المأخوذة من رئات ملايين المدخنين وغير المدخنين أظهرت وجود جين اسمه 
AZGP1) alphazincglycoprotein1) يصنع بروتيناً خاصاً يسرّع عملية تفتيت الدهون في الجسم وبالتالي خفض الوزن.
وأظهرت دراسات أخرى أن هذا البروتين يلعب دوراً هاماً في إنقاص الوزن عند إعطائه للفئران حتى لو لم يطرأ أي تدبل على نظامها الغذائي.
وقال العلماء في الدراسة التي نشرت في مجلة ” تشست” أو الصدر ” إن الكثير من المدخنين في الولايات المتحدة يعتقدون أن التوقف عن التدخين يجعلهم بدناء ويبدو أن هناك سبباً لذلك ولعدم رغبتهم بالاقلاع عن هذه العادة.
إلى ذلك، وصفت مجموعة ” ايه أس أتش” الاميركية التي تقود حملة ضد التدخين هذه الدراسة بأنها قطعة أخرى في لوحات الـ “جيغسو” التي لا تكتمل إلاّ باكتمال عددها، محذرين من عادة التدخين، التي تقتل الآلاف سنوياً في أميركا.
الكشف عن سبب حرق المدخنين لسجائرهم ودهونهم
فعلا ،، لاحظت على كثير من الاصدقاء المدخنين والذين توقفوا نهائيا عن التدخين انهم قد ازدادوا وزنا ، كما ان ازدياد الوزن جعلهم عرضة لبعض الامراض الخطيرة كالسكري والضغط وامراض( القلب خاصة ),,,المهم في الموضوع هو انه بالرغم من التحذير الاخير في نهاية المقال وان المدخنين يموتون بالآف كل سنة جعلني اتسائل هل غير المدخنين لا يموتون ؟؟؟ اذا كان اي طبيب متخصص يضمن لى الا اموت فسأتوقف فورا عن التدخين حتى اعيش الى الابد ( لا سمح الله )… مش معي حق بذمتكم …وانا راضي بذمتكم …
ضحكتني كتير بتعليقك توب كواليتي هلا انا ماني قدك حتا اقنعك انو التدخين مانو منيح بس انا لهلا ما شفت حدا بوقف عن التدخين غير لما هو عنجد يكون مقتنع اما غير هيك لو بتقول انو بجيب مليون مرض ما ممكن يلي عم بدخن يوقف غير لحتا يكون بدو.مشان هيك انت حر
صدقيني يا لوليا انه من اسهل الامور علي ان اتوقف عن التدخين لانني اولا لا ادخن امام غير المدخنين ولا ادخن الا في الاماكن جيدة التهوية او في الخارج , في حياتي لم ادخن في غرفة النوم والاهم من ذلك عندما اصوم في رمضان اتوقف بالطبع عن التدخين واحيانا امد التوقف حتى بعد الافطار لمدة يومين او ثلاثة او اكثر على ما اذكر … لب الموضوع ..انا لا اريد ان اتوقف عن التدخين ,,, ارى فيها تسلية خصوصا عندما كنت طالبا في الدراسات العليا واسهر كثيرا او بعد ذلك في مكتبي او عندما اكون في كازينو على البحر ارتشف فنجان القهوة مع ( نفس الشيشة )… يا سلام لقد اشتقت للشيشة عندما جاء ذكرها الآن ولولا ان عندي عمل غدا لقمت وذهبت الى المقهي ودخنتها ,,, احيانا يا لوليا اشياء بسيطة تقومين بعملها تسعدك اكثر من اشياء تحتاحين لالوف الدنانير لعملها ,,, تحياتي …
هي اول مرة بسمع واحد بدخن وهو بيعرف انو قادر يترك التدخين انا بعرف انو التدخين عند كتير اشخاص مجرد تسلاية بس مع هيك هالتسلاية بتصير سوسة وما بيعود يقدر الواحد يتركا.انا عايشة بفلندا والتدخين عنا غير مسموح بالبيوت البلد عنا كتييير برد يعني فيك تقول انو تسع شهور شتوية بالسنة ومع هيك دايما بتلاقي عالبلكون ناس عم تدخن حتا لو الحرارة -20بس انا كتير بنزعج لما بشوفن انو الواحد فين بيطلع بالبرد بس مشان يدخن سيجارة مشان هيك انا بنصحك\زا فيك تترك التدخين اتركه لانو ممكن يجي وقت ما تعود تقدر تتركا وبعدين ازا مو احسن للصحة اوفر للجيبة
بس مع هيك لا تاخد بحكيي كتير لاني بحب الاركيلة كتير وهلا زكرتني فيا
يا رب تسلمي ويخليلك هالدم الخفيف اللي زي العسل ,,, بقى بتدخني اركيلة وعم تنصحيني ابطل التدخين … انا اساسا يا ست الكل اغلب تدخيني اركيلة ,,, وزي ما انتي عارفه الاركيله لازمها مكان معين لتدخينها وما ممكن تدخنيها كل الوقت زي السيجارة ,,, بس حقيقي طلعتي دمك زي العسل وتنفعى تكتبي قصص زي ( اجاتا كريستي ) وتحطي النهاية اللي ما حدا متوقعها … ربنا يسعدك ويدفي الجو عندكم ,,, شو رايك تاخديلك شوية حر من عنا ، احنا هون مشغلين التكييف في البيت وفي السيارة وفي المكاتب من شي خمسة عشر يوما ,, يالله اؤمرى انت وانا بببعتلك كام درجة مئوية من عنا واذا حبيتيها فهرنهايت ما في مشكل …
ياريت تبعتنا شوية شوب من عنكم نحنا هلاعنا الحرارة +12 وكتير مروئين عالجو كيف ازا بتبعتنا كم درجة زيادة.
ولو تكرمي , يالله بعتلانك كام درجة مئوية وكام فهرنهايت واختاري اللي بدك منهم ,,, يا اختى غريب البني آدم انا باتمنى اعيش في جو المطر والثلح وغيرى زهق من جو المطر والثلج … اكيد لو عشت فيه مدة طويلة سازهق انا كمان وهو لو اجا وعاش في جونا راح يزهق كمان .. الانسان هذا غريب ، ابدا لا يرضى حتى لو الشيء الذي يملكه افضل من الذي مع غيره فيتمنى ان يحصل على ما في يد غيره . وصباح الخير اولا …
صباح النور هو الانسان هيك دايما محتار ومحير العالم معو انا قبل كنت عايشة بسوريا والصيف فيا كتير حلو بس دايما بالشتي كنت حب المطر والتلج متل ما انت عم تقول حتاانو لما ينزل تلج بتحس كانو عيد بتلاقي كل العالم بالشوارع مبسوطين بينما هلا وانا هون بتمنا تطلع الشمس وعنجد بحس كانو عيد متل التلج بسوريا بس انا بلاقيانو احلا شي الاعتدال يعني انا هون قرفانة من الشتوية .يعني ازا ما في فصول اربعة ما حلوة.
صباح الورد … تعرفي يا لوليا ان الكلام عن حب الانسان للتغيير ينطبق على العلاقة بين الرجل والمرأة ايضا ,, فلو تصورنا ان هناك رجل رومانسي جدا مع حبيبته او زوجته وكان يعاملها طوال الوقت بنعومة شديدة وبرومانسية مفرطة فسأتي عليها يوما تمل فيه من هذه الرومانسية المحسودة عليها ممن يعرفهما وتطلب التغيير بطريقة التعامل … الانسان يحب التغيير وهكذا خلقنا الخالق سبحانه , لا نحب ان نعيش في صيف دائم ولا ربيع دائم ولا خريف دائم ولا شتاء بالطبع دائم ولذلك خلق لنا الليل والنهار والفصول الاربعة …ولوليا الحلوة وام سحلول الوحشة ( ربما واحد له نفس في الوحشين )…
شكرا للاخت لوليا ذكرتيني بسورية طبعا انا ما نسيتها هي في قلبي بس والاخ توب انا من كمان متلك عم ادخن وايمت ما بدي بترك بس بحب السيكارة لش ما اعرف
والله يا عزيزي انا بعرف ليش … يا اخي باستمتع بالتدخين ,,, حد شريكنا انا وياك ؟؟ سبحان الله . وكما يقال عندكم ( دخن عليها تنجلي ) تحياتي ..
شكرا لزوقك بتضحك هي ام سحلول هي اول مرة بسمع فيا يمكن اما للسحلية . اكيد دايما الواحد بحاجة للتغير حتا انو الواحد بيكون عايش بنعم كتير ومع عيك ما بيكون عاجبو شي بس هي هيك الدنيا عوجة .ومزبوط حكيك عن الزوج والزوجة وهادا الكلام مانو بعيد عني حتا اني لما بتمرء فترة ما بتخانق انا وزوجي فيا بحاول اخلق مشكلة من تحت الارض لان عنجد عنجد الحياة ما حلوة جامدة
ام سحلول يا ست اكل هي زوجة ( الغول ) وطبعا عارفه الغول اللي بياكل الاطفال الحلوين اللي بيزعلوا ماما زي ما كانت تقولنا الوالدة رحمها الله , يعني شو بتتوقعى تكون زوجة الغول ؟ اكيد غولة زيه ووحشة … بعدين اللي قلتيه عنك وعن زوجك الكريم وانك بتحاولي تخلقي مشكلة من تحت الارض 🙂 بين وقت وآخر لتغيير نمط الحياة الممل، يعني شيئا واحدا انك انثى بمعني الكلمة فمن تحب التغيير بين وقت للآخر في التعامل مع شريك حياتها تكون امرأة ( غير مملة ) ومتجددة دائما شكلا وموضوعا ,,, يا بخته يا ستي عقبالنا …
شايف هي عم بتعلم منك هي اول مرة بعرف انو ام سحلول مرت الغول يلا منيح هي كل ما بدي شوف واحدة ما بتعجبني لح قول عنا ام سحلول . والله يرحم امك ويدخلا فسيح جناته اكيد كانت انسانة محترمة يلي ربت شخص
متلك متعلم ومثقف بالنسبة الي انا كتير بحب التغييير بس هادا الشي احيانا بدايقني لانو مودايما بلاقي الواحد شي يغير في غير انو يخلق مشاكل
والله يبعتلك بنوتة متل ما بتحب واكتر
يسمع من تمك يا ستنا ,,, بس انصحك اوعي تسمعك ام خالد ( انا ابو خالد ) والله بتاكلك وما بتخلي فيكي نتفة ,,, انا حذرتك يا اختى لوليا وذنبك على جنبك …ام خالد تختلف عنك فانا من افتعل المشاكل وليست هي المسكينة لاني مثلك احب التغيير ,, بس تعرفى شي … ربنا دايما بوفق الانسان اللي بيحبه بشخص يختلف عنه فمثلا هي ما بتحب التغيير كتير زي زوجك الكريم اكيد بيختلف عنك وهذا من نعمة ربنا علينا ,,, في النهاية ربنا يخليكي يا ستي على كلامك الكله احساس رقيق عن المرحومة الوالدة وعني ,,,وربنا يهي سرك مع زوجك الكريم …
ماشي يا ابو العيال ازا ما بحكي مع ام خالد وبخليا تاكلك انت وما تخلي فيك ولا نتفة لكان هيك عم تعمل مشاكل بيني وبينا انا وهي متل السمنة عالعسل .عم بمزح الله يخليلك خالد وعلفكرة انا كمان عندي بنوتة صغيرة اسما نتالي صار عمرها 17 يوم وهلا كتير مبسوطين فيا لانا هي اول ببية.وانشا الله يسعدك انت ومدامتك وولادك
يا رب يخليلها هالنتالي الامورة ويسعدها ويكبرها وتصير مثل ما بتتمنوا انت وابوها الها ان شاء الله , ما في احلى من البنات يا لوليا . انا قربت على الاربعين وعندي خالد وسمر , خالد الصغير وسمر 12 سنة … ان شاء الله الحمد الله على سلامتك وسلامة نتالي ورنا يحفظكم الها ويحفظها الكم وتكبركوا وتصيروا جد وجدة …
الله يسلمك ويخليليك سوسو وخالد عنجد متل ما عم تقول ما في احلا من البنات يعني البيت من دون ولاد ولا شي .وانشا الله العمر كلو الك انا عمري 22 بس هي اول مرة بكل عمري بحس انو حياتي اتغيرت بكل معنى الكلمة يعني ما فيي اوصفلك ادي مبسوطة وحتا بالنسبة لزوجي حياتو اتغيرت يعني هلا بالليل بتلاقينا فايقين بس مشان نطمن عالصغيرة ومع هيك ما عم نحس بالتعب يلي عم نتعبوا
شكرا على ذوقك ودعواتك الصالحات ان شاء الله ,,, فعلا انا شاعر معاكي ومع زوجك لاني مريت بهالتجربة وحبيتها , بس استنوا شوية لما تصير نتالى الامورة كبيرة شوي قد سنة او سنتين او ثلاثة راح تشوفوا وتحسوا اللي عمركم ماشفتوه ولا حسيتوه ,,, كل يوم كل لحظة بيكبر طفلكم امام عيونكم بتكون لحظة لا تنتسى ابدا ,,, سلامي لزوجك العزيز وبوسي نتولتي والله يطول باعماركم جميعا ويحفظكم من كل سوء …