قالت هند سعيد صالح، ابنة الفنان الراحل سعيد صالح، إن سبب عدم حضور الفنانين لجنازة والدها أمس هو قرار الدفن السريع الذي اتخذته، ناصحةً مروجي الشائعات حول عدم حضور الجنازة بالانشغال، بالدعاء له بدلا من أن شغلوا أنفسهم بهذا الكلام.
“هند” أضافت، في بيان نشرته على صفحتها الشخصية بموقع “فيس بوك”، “بعد إذنكم أنا بطلب من كل اللي فكر وقرر إن الفنانين ماعندهومش أصل وعندهم جحود عشان محدش جه جنازة بابا، بدل ما يشغل نفسه بده يشغل نفسه بالدعاء ليه لأنه محتاج ده”.
وتابعت: “لحظة ما سعيد صالح توفي أنا اللي قررت سرعة الدفن لأن إكرام الميت دفنه، ولأن بابا كان موصى يدفن في مسقط رأسه في المنوفية، ولأن كان عندي سفر ساعتين عشان أوصل للمقابر، وكنت عايزة ألحق نور ربنا وحاجات كتير مش مضطرة أشرحها، باختصار أولوياتي أدفن أب توفي مش فنان طبعا، أنا عارفة إن مصر كلها حزينة عليه وده على راسي، بس ده مش سبب لاتهام حد بالجحود الفنانين، دول أهلي نمرة 2، ومحدش سابني وعلى ما الناس عرفت كنت أنا سافرت واهتمامي الأول والأخير كان بسرعة دفنه وبدل ما كان 1000 واحد هيمشي في جنازته في القاهرة، لقيت محافظة المنوفية كلها في جنازته هناك، واللي هنا واللي هناك عند ربنا واحد في الأجر والثواب”.
وأكدت هند على موعد العزاء قائلة:”العزاء إن شاء الله الثلاثاء في مسجد عمر مكرم”.
ابنة سعيد صالح توضح سبب عدم حضور الفنانين جنازة والدها
