الصور الأولى من حفل زفاف “شريف رمزي و ريهام أيمن”

كنت متأكدة أنك هاتقول مشكلة مصر والجزاير ههههههه
هارد عليك على كل نقطة دقيقة واحدة.

مشكلة أم درمان أو المشكلة الكروية أساسها الصحف الجزائرية كنا بنشوف تقارير جرايدهم وكلامهم المستفز سواء جرايد أو شعب حتى كلام مهين تشيب الجبين…. واعقتد أن تعليقاتهم على أروى المغنية اليمنية لما قالت عن اجراد أنه صوته مش حلو أعتقد تابعت تعليقات اغلبهم في كل وسائل السوشيال ميديا وشفت كمية البذاءات على أروى…. هو ده اللي كنا بتعرضله يوميا منهم بس ماحدش كان بيشوف.
بمعنى مختصر…. اللي عمله الاعلام المصري رد فعل على شئ أنتم ماشفتهوش أو بعضكم شافه وعمل نفسه مش واخد باله علشان كرهه لمصر.

2 كلام الاعلامية ماكنش فيه اساءة للبلد ولا للشعب هي قالت معلومة وواقع عندهم بدون تطاول على الشعب…. ومع ذلك الاعلام وكل الاعلاميين ورئاسة الوزراء والسفراء قدمو اعتذرات ليهم فدي ماكنتش قضية كبيرة عمل منها الاعلام حكاية ورواية.

النقطة الثالثة هارد عليها

يا أبو ناشي دايما بتقول أن الاعلام بيأثر على عقول الشعب المصري…. وبقولك دايما الكلام ده غير صحيح.
لما كان نظام مبارك وكان الاعلام وقتها نفس نهجه ضد حماس كان أغلبية المصريين بيقولو لا كلام مش صحيح.
حتى لحد أحداث ثورة يناير لما فتحت السجون وكان الاعلام بيقول أن حماس وحزب الله هم اللي فتحوحها ماحدش كان مصدقهم حتى أنا وبالمناسبة أنا من ضمن الناس اللي كانت ضد حماس وحزب الله من زمان من قبل الثورات ومع ذلك ماكونتش مصدقاهم.
المستجدات غيرت وجهة نظر كتير من من اللي كانو بيقولو أي حاجة بيقولها الاعلام المصري غلط ومش صحيح.
اللي شفناه ولمسناه وعشناه أكدلنا على حاجات كتير…. وماتقوليش أن حماس مش متهمة…. حماس قبل ما مرسي كان يفوز كانت بتوزع الحلويات في غزة…. وكانو بينزلو بشكل مستفز واعلام حماس بيصور ده وبيقولو كلام غريب عجيب يخلي أي حد منا يشك فيهم ويصدق كلام الاعلام.
وبعد مافاز مرسي شفنا لهجة من الاخوان وحتى من الحمساوية كانت غريبة وكلام يخليك تفكر مليون مرة فيه وفي السيناريوهات اللي هاتيجي منه…. حتى بعضكم هنا وكان منهم الأخ صابر بيفتخر بعد فوز مرسي ولما الاخوان عموما اتمكنو بأن الحمساوية بان الحمساوية هم اللي فتحو السجون وتعليقات نورت تشهد.
هاتقولي وهو كلام صابر يعني يعتمد عليه… هاقولك مش صابر بس، أنا لي صديقة في عمارتها كان ساكن واحدة حمساوية مش عايزة أقولك كانو بيسمعو منها أيه وربنا شاهد على كلامي…. يا بوناشي مش حابة أقولك االكلام اللي بعضكم ممكن يعتبره عبيط أو كذب وأقولك البئين اللي أي حد بيقولهم بتوع أقاربي ومش أقاربي الواصلين قالولي بس والله حماسكم متورطة للركب في مصر… ده يكفي استفزازهم في قنواتهم ونزول القسام لتهديد الجيش المصري ورفع إشارة رابعة.
ليه الحكومة المصرية عاملة عبيطة وساكتة…. فيه اعتبارات تانية خالص أهمها اعتبارات أخوية وسياسية وغيره….. برضو هاقولك جملة أنت مش هاتصدقها وهاتستهتر بيها
الحكومة والجيش مش عايزين يهيجو الشعب، والله صدقني احنا الشعب اللي هانبقالكم مش حماس ماتخسروناش حماس مسيرها هاتمشي وحكومتنا هاتمشي الشعب هو اللي باقي خلونا سند…. ده من ضمن اعتبارات الحكومة المصرية مش هاتصدق ده بس ده واقع.
مش عارفة هل هايوصل المعنى اللي عايزة أقوله ولا لا… ولما بقول الحكومة مش عايزة تهيج الشعب مش أقصد أننا هاننزل نحاربكم لا…. أقصد أن بدل ما واحد مصري كنت تقوله قضيتك الأساسية أيه يقولك فلسطين…. لو ده حصل هايقولك مافيش وأنا مالي…. ده خطر جدا يمكن بعضكم كفلسطينيين يستهتر بيه بس هو خطر اللامبالاة اللي هاتحصل.

الله يسلمك في أمان الله.
وسلامي لناشي 🙂