الموسيقار عمرو إسماعيل: صوت «ياسمينا» غير حقيقي.. وتعريضها سيدمر أحبالها

أبدى الموسيقار عمرو إسماعيل عدم إعجابه بالمتسابقة ياسيمنا، المشتركة في برنامج «أراب جود تالنت»، وحصلت على تأييد شيد من لجنة التحكيم ومنحتها المطربة نجوى كرم «الباز الذهبي».
وقال «إسماعيل»، عبر «فيس بوك»، الاثنين: «لم تبهرني البنت المصرية ياسمين في برنامج Arabs got talent لسبب بسيط، أن ده صوت مستعار وغير حقيقي، البنت صوتها وهي بتتكلم والطبيعي مش كده».
وأضاف «إسماعيل»: «المشكلة إن البنت بتقلد وبتحاول تعرض صوتها وده مش صح، وواضح من صوتها الطبيعي أنها مش كده، الموضوع بسيط، اسمعي صوت أنغام أو أي مطربة محترمة تلاقي صوتها في الكلام هو صوتها في الغناء»، مضيفًا: «غير كده بيبقى مش طبيعي ومستعار ولو حبت تغني أي لون تاني من الغناء مش حتنجح».
واختتم حديثه قائلا: «محاولة تعريض الصوت وإخراجه بالشكل ده من بنت صغيرة معناه تدمير أحبالها الصوتية».