بالصور… محمد رمضان يحتفل مع زوجته ونجله بالعرض الخاص لـ«شد أجزاء»

محمد رمضان بجد ماكونتش بطيئه ولا بحبو… وكنت شيفاه كائن عشوائي من الدرجة الأولى، ولا عمري دخلتله فيلم ولا حضرتله لقاء تليفزيوني… حتى مسلسل ابن حلال اللي كان مسمع وعمل ضجة كنت فاكراه مسلسل عشوائي من نوعية أفلام السبكي اللي رمضان كان بيمثل فيها… لكن:
بعد ما شفته في رامز واكل الجو وشفت أخلاقه واحترامه، بجد احترمته جدا ورفعتله القبعة أكتر وأكتر وخاصة كمان بعد ما شفت مسلسل ابن حلال اللي قايم فيه بدور رائع.
هو ده ابن البلد الجدع اللي بيخاف على عرضه وبنات جيرانه وأهله وناسه… هي دي الصورة اللي كنا بنشوفها وبنسمع عنها وبنتخيلها بمجرد مايقولو جملة (ده ابن بلد)… مش عشوائيات السبكي ربنا ينتقم منه.
ومن الواضح أن فيلمه الجديد بوليسي من الجلدة للجلدة وبعيد عن العشوائية، وإن شاء الله نشوف محمد رمضان في نوعية الأدوار اللي تناسب أخلاقه الحقيقية اللي لمسناها في برنامج رامز واكل الجو.
إن شاء الله بعد العيد هاروح السينما وأشوف الفيلم، ولأول مرة هاحضر فيلم في السينما من إنتاج السبكي.