زينة تعترف أنها غلطانة وتتحدى أحمد عز

قالت الفنانة زينة، إن الفنان أحمد عز “بيعمل حاجات مفيش مخلوق عنده 3 سنين يصدق اللى بيعمله”، متابعة: “القضية مدخل فيها ناس عشان يتوسطوا وعشان يؤذونى أنا وعياله، ومهما حاولوا، أنا بحذرهم لأنى عارفة أسمائهم وبقوله راعى ربنا، أحمد عز مش هينفعك بحاجة”.

وأضافت خلال مداخلة هاتفية لبرنامج “هنا العاصمة”، على فضائية “سى بى سى”، مع الإعلامية لميس الحديدى: “أنا غلطت، لما أنا أمنت لواحد ما صنش الأمانة، واتجوزته ومشيت على كلامه وصدقت أن أبوه عيان، وكان مصمم على الجواز ده لأنه كان عامل نفسه أنه متدين”، لافتة إلى أن هناك ورقة زواج عرفى وشهود، والورقتين بحوزة الفنان أحمد عز، لأنها كانت تؤمنه على نفسها، وتعرفه منذ عشر سنوات، وتزوجا فى 15 يونيو 2012.

وتابعت زينة قائلة: “الجواز العرفى بيضيع الحقوق، والزوجة ليس لها حقوق أو نفقة”.

وسألت زينة عز قائلة: “انت رجولتك سامحالك تتكلم على ولادك من لحمك ودمك” كما تحدته ان يقوم بفحص الـ DNA.