قال الفنان ماجد المصري، إنه حل ضيفًا على برنامج «رامز قرش البحر»، المذاع على قناة «إم بي سي مصر»، واعتدى على الفنان رامز جلال، وأجبره على قلع «التي شيرت»، مضيفا: «وقولتله لازم تقلع الشورت اللي لابسه».
وأضاف «المصري» في لقاء له مع برنامج «ليلة» على قناة «النهار»، الثلاثاء: «اتصل بيا صحفي، وقالي بنعمل برنامج عن كأس العالم في الغردقة، ومكنتش أعرف إيه البرنامج».
وأوضح: «أنا بحب البحر جدا، وليا في الغطس، وأثناء التصوير البنت اللي معايا وقعت مرتين وأنقذتها، والغواص مقدرش ياخدها مني».
وتابع: «البنت حسستني إنها مبتعرفش تعوم، وقعدت تكح وترجع، ولما سألت رامز قولتله البنت دي بتعرف تعوم قالي آه، رحت منزّلها تحت في الميه».
وعن اعتدائه على رامز، قال: «أنا جريت ورا رامز، وقعدت أضرب فيه، وهو جري من اللنش، وقلعته التي شيرت، وقولتله لازم تقلع الشورت كمان».
ماجد المصري: ضربت رامز في «قرش البحر».. وقلعته الـ«تي شيرت»
