خرجت الفنانة ليلى طاهر للرد على الأخبار والشائعات التي تم تداولها عنها مؤخرا حول حالتها الصحية وتعرضها لبتر ساقها على خلفية الوعكة الصحية التي تعرضت لها منذ عدة أشهر إثر سقوطها على الأرض واضطرارها تركيب مفصل في القدم .
أعربت ليلى طاهر في مداخلة هاتفية لبرنامج “يحدث في مصر” مع الإعلامي شريف عامر والمذاع عبر قناة “MBC مصر” عن استيائها من الشائعات عن الفنانين وكرهها للسوشيال ميديا .
فقالت: “أنا زي الفل وكويسة جدا .. أنا مشكلتي السوشيال ميديا وكرهتها مش عارفة بينهم وبين فنانين مصر إيه، إيه الحقد والغل اللي في قلبهم ده .. عايزين يخلصوا من فنانين مصر مش قادرين بالإشاعات والكلام اللي بيكتبوه” .
تابعت: “بيعيدوا الكلام ويضيفوا عليه حتة زيادة .. في حفل تكريمي من النقابة قالوا إني طالعة بعصاية وما لذ وطاب من الأخبار وإن صحتي متدهورة .. لما العملية زادت عن اللزوم اتضايقت ومش زعلانة على نفسي لوحدي على جميع الفنانات والفنانين المصريين” .
واختتمت ليلى طاهر: “على رأي عادل إمام لما قالهم إنتو مستعجلين علينا ليه؟ .. لازم يبقى فيه موقف للحالة دي اللي مبتتقفلش وعلى جميع الفنانين، اللي موجودين وبيظهروا واللي قاعدين في البيوت .. هما مش سايبين حدوبقوا كمان يوقعوا الفنانين في بعض” .
https://www.facebook.com/watch/?v=1502230196918204&t=347
