خالد أبو النجا: مصر تستاهل أفضل بكثير من حكم فاشي عسكري يحاول إرهاب كل من ينتقد

أهلاً أخت منال، كيف الحال ؟ إنشالله بخير،،،
بتسألينى ليه كل هالحقد باقى فى قلوبكم تجاه الإخوان؟! طالما صنفتى معارضتنا للإخوان بكلمة ( حقد ) يبقى معارضتكم للجيش المصرى أيضاً تُصنف تحت نفس المسمى ( الحقد ) و معارضة أى شخص أخر للحزب الوطنى أو لمُبارك نفسه تُعتبر ( حقد ) ! معلش بقى ماهو مش خيّار و فاقوس و كل واحد هيسمى على كيفه ! لأ تعالى نضع نقاط و حروف و مبدأ نمشى عليه و يبقى على الكُل! لو معارضتنا للإخوان تعتبر حقد إذن معارضتكم والإخوان للجيش أيضاً حقد و معارضتنا لمبارك أيام عزه كانت حقد و هكذا !!!
طيب، بتسألينى ليه كل هالحقد ! أول شئ هجومى على الإخوان و معارضتى لهم أساسها إستخدامهم للدين ساتر لأهدافهم ! أنا ما شُفتش حاجة واحدة عملتها الناس دى للإسلام ! بل للأسف بيسيئوا للدين الإسلامى و ليس العكس ! تقدرى تجاوبينى إيه معنى نزلوهم بكرة فى مظاهرات رافعيين المصاحف ؟! إدينى مُبرر واحد فقط للنزول بالمصاحف ؟! إيه الغرض من كده يا منال ؟! إدينى سبب واحد لإستغلالهم الأطفال فى المسيرات و المظاهرات ؟! إدينى سبب واحد لنزول النساء المظاهرات و الإعتصامات فى الشوارع و الميادين و المبيت داخل الخيام بالأيام و بالشهور ؟! هل هذا منهج رسول الله صلى الله عليه و سلم ؟! هل كان يحدث فى التاريخ الإسلامى ما يقوموا بيه الإخوان الآن فى مصر ؟!
هتردى عليا و تقوليلى ماهو ميدان التحرير أيام ثورة 25 يناير كان فيه بنات و نساء !!! هرد عليكى و هقولك دول أطلقوا على نفسهم ( دعاة دين ) و إختاروا لحزبهم السياسى إسم ( جماعة الإخوان المُسلمون ) و قالوا فى برامجهم أنهم ضد القوانيين و ضد الفساد و ضد الإختلاط و ضد و ضد وضد ، و أنهم آتو لطبيق شرع الله. فطبيعى النظرة إللى هننظرها لهم هتختلف عن النظرة إللى بننظرها للعلمانيين أو لليبراليين ! ولما نلاقى أفعالهم زى أفعال الليبراليين يبقى نلوم إللى أسائوا للدين الإسلامى لإنهم نصبوا نفسهم متحدثين بإسمه !!!
عرفتى ليه أنا ضد الناس دى ! علشان الناس دى بتهيمن الدين الإسلامى بجد !
و إنتى جاية تقوليلى بمنتهى البساطة حقد !!! حقد إيه إللى بتتكلمى عليه ؟! و إنتى عاوزانى أعمل إيه و أقول إيه لما أشوف ناس أطلقت على نفسها إسم ( التيار الإسلامى ) و كل أفعالها لا تمت بصلة للإسلام ؟! يا أخت يا محترمة الإخوان إخترقت السياسة بلباس دينى و وصلت للحكم عن طريق إنتخابات و سنت قوانيين من خلق البشر و صنعت دستور مبنى على قوانيين من صنع البشر و سيرت أمور البلاد بناءاً على قوانيين. و أبقيت على معاهدة السلام مع إسرائيل و وووووو لأخره. قوليلى الله يرضى عنك إيه الفرق بينهم و بين التيار العلمانى ؟! ده مش بس كده دول وافقوا على قرض صندوق النقد الدولى بفوايده !!! إيه الفرق بينهم و بين مُبارك ؟! و ليه يرفع المُصحف و هو بيتظاهر على أى أساس ؟! عملت إيه بيه علشان تميز نفسك و تقول أنا مُسلم و كأن الباقى كفرة !
و جاية تقوليلى حقد ؟! يا ستى إنتى مش عايشة معانا ولا عايشة فى فلسطين ولا عايشة فى الدول العربية أصلاً ؟! شُفتى إيه منهم إنتى يا منال علشان تتحيزلهم ؟! شفتى إيه منهم إيجابى علشان تقولى إن إللى ضدهم بيحقدوا عليهم !!!
آه صحيح هما دلوقتى خارج الحكم ولكنهم مازالوا فى الصورة !!! تعتقدى أنهم إنتوا مثلاً و إحنا قاعدين نحاربهم ؟!! بالطبع لأ، بكرة إن شاء الله فى مظاهرات بعنوان ( إرتقبوا الحدث الإسلامى يوم 28 نوفمبر 2014 ) ! و كانت من تصريحات قاداتهم إنتهى عصر السلمية !!!
إذن هم موجودون على الساحة و إنتقادنا لهم فى محله و ليس تلاكيك أو حقد كما تقولى أو تنظرى للأمور !
أنتى تسألى :
السؤال الاهم هو هل حكومتكم الحالية واللي ماسكين البلد ناس نضيفة??
_____________________________________
أنا نظرتى للأمور غير نظرتكم، بعد سقوط الإخوان تمنيت أن الرئيس القادم لازم ولابُد و حتماً أن يكون رجل عسكرى ….. مكانش فارق معايا الإسم قد مكان فارق معايا المدرسة ! مكنتش عاوز مدرسة مدنية ولا إخوانجية !!!! كنت عاوزه عسكرى لإن مصر كانت على حافة حرب أهلية و مكانش نافع تجريب من أول و جديد ! علشان كده إنتو شايفينى مؤيد للسيسى، و الموضوع عندى مش سيسى أو غيره المهم يكون رجل عسكرى و علشان كده أنا مؤيد للإنقلاب كما تسموه لإن الإخوان مبقاش ينفع رجوعهم !
أنا خايف على بلدى ، إنتى مصر لا تعنيكى عادى ، نظرتك للأمور الداخلية غير نظرتى ، شايفة أن الإخوان عادى لما يرجعوا شايفة أن عادى لو جيه رئيس مدنى تانى يخرب فيها سنتين كمان و يجرب حظه لحد ما تييجى ثورة أو إنقلاب يشيله !!
و بردوا بتسآل بإستغراب : ليه الحكم العسكرى مضايقكم فى مصر ؟! ما فى دول تانية كتير تحت حكم عسكرى و مع ذلك لا تستجروا أن تنتقدوهم ؟! لماذا هذا التناقض الرهيب ! و بلاش تقوليلى أصل مصر أم الدنيا و قلبنا عليها و الكلام المتزوق ده .
بتقوليلى السيسى جابتوه أمريكا ! طيب الله يرضى عنك الإخوان مين إللى جابهم ؟!
قطع العلاقات العسكرية الأمريكية المصرية بعد سقوط الإخوان ما معناه ؟
زيارة كاترن آشتون لمُرسى فى محبسة لمدة ساعة و نصف كاملة بعد بيان العزل ما معناه ؟
عدم الإعتراف الرسمى من أمريكا بالسيسى ما معناه ؟
هتافات قيادات الإخوان فى ميدان رابعة بأمريكا بعد إعلان الحكومة المصرية نيتها من فض الإعتصام ما معناه ؟
كل هذه الأسئلة التى تحتاج إلى إجابة و فى الأخر جاية تقوليلى أصل السيسى أمريكا إللى جايباه ؟!!!
ماشى يا أخت منال أنا مش هعترض على كلامك يا ستى و ماعنديش دليل يثبت صحة كلامك أو يثبت عكسه بس ليه بتنكرى أن أمريكا هى إللى جابت الإخوان و هى إللى بتدعمها و مازالت ؟!
سؤالين محتاج ليهم إجابة ضرورى يمكن سألت عن واحد منهم فى وسط الكلام لكن هكرره تانى:
الأول:
ليه عاوز تنزل تتظاهر بالمُصحف ؟ ما تنزل من غير المُصحف و قول إللى إنت عاوزه، لكن إيه معنى إصرارك إنك تنزل تتظاهر رافعاً المُصحف الشريف؟! هل أنت بتتظاهر أمام اليهود مثلاً ؟ ولا جايز إنت بس المُسلم و الباقيين لأ ؟ أو جايز الدولة إللى بتتظاهر فيها مش مُسلمة!
.
إلتحام قوات الأمن مع المتظاهرين فى حالة حدوث شغب و ده أمر وارد جداً. سوف تسقط المصحاف على الأرض نتيجة الإلتحام أو التدافع، و مُمكن من غير تدخل الأمن تسقط المصاحف أيضاً نتيجة التزاحم أثناء المسيرات!
و السؤال:
فى حالة سقوط المصاحف على الأرض نتيجة هذه المُظاهرات:
من سيكون المُذنب ؟ قوات الأمن أم الداعيين للنزول رافعين المصاحف ؟!
.
الثانى :
من تصريحات الداعيين لمظاهرات 28 نوفمبر : إنتهى عصر السلمية! و كان رد الداخلية على هذا التصريح : التصدى للشغب سيكون بالرصاص الحى!
____________________
سؤال مُقدماً :
فى حالة سقوط قتلى من سيكون عليه اللوم؟!
.
جاوبينى عليهم ضرورى.