كتبت النجمة نادين نجيم رسالة قاسية عبر حسابها الشخصي على إنستغرام، ردت من خلالها على كل من ينتقد شكل فكها وقالت: “بعتقد بكفي حكيتوا كتير عن موضوع شكل وجي و أخدتوا راحتكم وانتقدتوا لشبعتوا صرلكم سنة بس مش معقول كل ما نزل صورة حلوة او ايا شي بتتركوا كل شي و بتعلقوا على حنكي بالوقت يلي بتنفحطوا و بتجنوا بجمال الأجانب و هيدي الصورة حطيتا ليش حلال على الأجانب و عليي انا لاء”!
وأكملت: “تتشوفوا عقدة البعض مني انا تحديداً وكأني الأولي و الأخيرة هيدي انا هيدا شكلي و كتار حاولوا يقلدوني بس بنفس الوقت بينتقدوني هيدي مع الأسف نفسيات البعض انا متقبلة بس خلص حكيتوا و انا ما عم رد و لا رح غير شكلي كرمال حدا هيك انا مبسوطة ويلّي اجمل مني يعمل احسن مني ما زهقتوا نفس الحكي بتعيدوا صرلكم سنة والله انا زهقت عنكم ! وشو المقصود من كل هل حكي غير حالي؟ مستحيل !!! تأثروا على نجاحي على ثقتي بنفسي ؟ مستحيل !!! تغيروا رأي العالم يلي بحبوني و بشوفوني حلوة بدكم تعملولن غسل دماغ لكل انسان بحبني وتحاولوا تشوهوا صورتي قدامن !! مستحيل مستحيل بدكم تجيبوا لايك و فولورز ؟ اي ممكن بس نصيحة ما شايفين أني ماشية بطريقي و المحبين و المعجبات كتار لوين بدكم توصلوا ؟”.
وأضافت: “ما شايفين غيري بكل الوطن العربي ؟ بعرف هيدي ضريبة النجاح بس اذا انا بنت بلدكم و هيك عم تعملوا فيي شو خليتوا لغير عالم هيدا جوابي للي عاملين حالن بيفهموا وعندن الصلاحية يحكموا على العالم وينتقدوا والمفروض المشهور يسكت و يبلعها و ما يحكي الحق”!
وختمت: “انا انسانة وعندي صوت متلكم بجاوب وقت يلي لازم جاوب وهيدا جوابي ان شاء الله تحلوا عن حنكي و تركزوا بجمالكم يا حلوين إنتوا يا ملوك الجمال. والله يعطيكم على قد نيتكم وعلى قد ما بتحبوني”.
