سماح أنور تهاجم فنانات خضعن لعمليات تجميل: ” بتزدادوا قبحا”

انتشر على مواقع التواصل الاجتماعي خلال الساعات الماضية مقطع فيديو للفنانة سماح أنور هاجمت من خلاله بعض الفنانات اللاتي خضعن لعمليات تجميل .

أشارت سماح أنور في الفيديو إلى أنها ترى أن الخضوع لعمليات التجميل يعد اعتراضا على خلقة الله سبحانه وتعالى التي لم يخلقها بأبهى صورة ولكن طبيب التجميل هو من يستطيع القيام بذلك .

فقالت: “انت قررت ان ربنا معملنيش في أبهى صورة ولا حاجة، ودكتور التجميل ده هو اللي هيخليني في أبهى صورة .. كل ما بتروحو لدكتور التجميل بتزدادوا قبحا الحقيقة” .

وتابعت مستشهدة برأي والدتها الفنانة الراحلة سعاد حسين حول عمليات التجميل: “كانت أمي مبتعملش الحاجات دي وهي ممثلة وناس كتير يقولولها ما تعملي رقبتك، اعملي مش عارف إيه، فكانت تقولهم مينفعش حد يلعب في شغل ربنا ويحسنه لازم هيبوظه” .

أضافت سماح أنور: “أنا شايفة لحد النهاردة دي حقيقة، كل الناس اللي عملت تجميل كانوا أحلى مليون مرة .. أنا بحب التجعيدة لإن ده تجربة، ألم، ضحك كتير، عياط كتير .. ده مشواري وخريطة حياتي مش عايزة امسحها” .