شاهدوا.. الرئيس الفلسطيني يمنح عمر العبد اللات “وسام الثقافة والعلوم والفنون”

تحياتي الك محايدة والله يرحم الأموات من عائلتك ، شايفة انت كيف تعلقي باحترام وتنتقدي ولكن ما بتجرحي بكلامك ، انا هذا قصدي من التعليقات الي اشوفها بالموقع وحملة التشويه والتخوين للفلسطينين ، ولما كتبت حذاء أسوأ فلسطيني لان متعمده واقصد بكلامي الموجودين بالموقع وامثالهم بالحياة الواقعية الي ما بيعرفوا يحاوروا بأدب الا بالشتم والتعميم على شعب فلسطيني كامل عانى وناضل ٧١ سنة .
اذا شفتي تعليقاتي بالمواضيع المختلفة كنت اكتب عن الخاين دحلان وشلة دحلان وأي خاين زيهم ، ولما اعلق على بلد أقول الحكومات ومن يدعمها او المؤيدين لها وكنت اكتب واتعمد اكتب حاشا المحترمين وحاشا الشريفات لما كنت ارد على الي بشتموني هون بالموقع لاني يا اختي بحفظ خط الرجعة واحفظ حقي لما بدي احاجج واثبت الحق ، ولما يعاتبني انسان محترم مثلك عرفتي انا ما بعمم، بعدين العرب لو انهم حقانين وما عندهم حقد للفلسطينين لكانوا تكلموا بإنصاف وتكلموا عن أمثلة مشرفة مثل ما انت كتبتي عن ناس فلسطينين صح ولا لا ؟ بس ولا مره شفت بتعليق حدا منهم يكتب بإنصاف وبلا حقد الا انت بتعليقك هون ، احنا ما نستنى تقييم منهم ولكن في حق وانصاف والإنسان الي بخاف الله بحكي الحق .
الخونة والعملاء احنا ننبذهم ونتبرأ منهم وانا كتبت عدة مرات انا ضد عباس وسياسة عباس ولكن الي صاير بالموقع مش مجرد انتقاد ، لا همه ناس تتعمد وتستنى ينزل موضوع يتعلق بفلسطين حتى تدخل تسب وتشتم وتتكلم بأعراضنا والتخوين وتجريدنا حتى من فلسطينيتنا !!!
في حملة عم بتصير مش بس بنورت وباليوتيوب والفيسبوك والانستجرام وعالقنوات الفضائية الموجهه ضد القضية الفلسطينية وتمرير صفقة القرن واظهار الصهيوني على انو مسالم وتسهيل لعملية التطبيع ، شفتي يا محايدة احنا فاهمين كل الي بصير ضدنا وبحقنا حتى وصلت فيهم الأمور الاستهانة بالقدس والمسجد الاقصى وأكثرهم قذارة السعودين والإماراتيين وكم كويتي وكم خليجي وللاسف الإعلام المصري المطبل للسيسي قنوات مصرية شتم وتخوين لحركات المقاومة بفلسطين ، لعبة وسخة بتلعبها الحكومات العربية المنبطحة ضد فلسطين وشعبها .
وخلي في بالك شغله مهمه دول الخليج والحكام العرب الي معهم همه سبب الضغوطات على الفلسطينين حتى وقعوا على اتفاقيات مثل أوسلو الفاشلة وهمه سبب انو عباس وجماعة عباس يتواجدوا بفلسطين واليوم يخونوهم؟؟ طيب ما انتو السبب وانتو جبتوهم يعني فضحتوا حالكم اذا همه خونه انتو اخون منهم انتو واياهم نفس الشئ !!!!!!؟؟؟؟؟؟ همه العرب هدفهم يقولوا الفلسطينين خونه ما بستاهلوا ندافع عنهم وبنفس الوقت العرب يعملوا تطبيع مع الصهاينة هذه مخططات وسخه عربية صهيونية واليوم هيك صاير تخوين لكل الفلسطينين وما في أنصاف ولا حق كل كلامهم حقد وكراهية .
اتمنى تكوني فهمتيني محايدة وفهمتي ليش مرات ارد بهالشكل ، وشكرا لذوقك واحترامك بالرد وان شاء الله بيطلعوا اولادك متربايين تربية حلوة مثلك
تحياتي وكل الاحترام والله يخلي لك عائلتك