عادل كرم لـ أحلام: “قبل ما تيجي على لبنان كنت جوعانة وصرتي تعرفي بالـ Kentucky… وصرتي “Kentucky” عالاصول”

رد الفنان اللبناني عادل كرم، في حلقة الامس من برنامج “هيدا حكي”، بقوة على الفنانة الاماراتية احلام بسبب ما اعتبره اللبنانيون تطاولا عليهم من قبلها.

https://www.youtube.com/watch?v=Ix2U-sq6k8s

وقال كرم بعد أن قام بتجسيد شخصية “سلطان”: “قررت سمي حالي سلطان بالاذن من صديقي سلطان بروناي وسلطان الطرب جورج وسوف” وتابع “حتقولولي مين انت يا عادل لتسمي حالك سلطان ما انت شقفة لبناني بياع فلافل بس خلينا نكون واضحين اذا التي كانت تضيف قهوة صارت ملكة فطبيعي بياع الفلافل يصير سلطان”.

وبعد أن نشر صورة قديمة لها وأخرى جديدة قال “قبل ما تيجي على لبنان كنت هيك وبعد وما نحنا اللبنانيين نفضناك وحددناك وعملنالك زنار بوية صرت هيك هلاء ما في فرق كثير يعني بس كمان نحنا ما فينا نعمل عجايب ما تواخذينا”.

وأضاف: “ثانيا كنت على طول جوعانة هلاء صرتي تعرفي بالـ “Kentucky” وقد ما صرتي حريفة “Kentucky” صرتي “Kentucky” عالاصول” وتابع “ثالثا كان ذوقك بالموضة عدم شرعي وهلاء تحسن بطل عدم شرعي صار عدم بس رابعا كان عندك غنية واحدة بقولوا انو بتنسمع اللي ما يطول العنب حامضا عنها يقول وبعدك عى نفس الغنية ما في غيرها وعاملة فيها نجمة وصاحبة تاريخ غنائي”.

وختم كرم هجومه وقال “عم تعايري لبنان بالزبالة يا كنتاكي لحقلك بسيطة يا طقاقة ونحنا بلدنا دايما مفتوح للجميع بس للذي بيشرب من البير وبيرمي فيه حجر”.

أقرأ أيضا:

بالفيديو: احلام: “مستحيل أسيء لذرة من تراب لبنان… ولبنان بدي اجيها غصب عن نضال الأحمدية”

بالفيديو: عادل كرم يتقمص شخصية “سلطان” ليرد على احلام… ويستضيف شمس الكويتية فماذا قالت؟

برنامج لبناني يستعين بـ “بقرة” للرد على احلام… فيديو

بعد عادل كرم وهشام حداد… أبو طلال: “ناسا تنوي أجراء أبحاث على احلام لأنها جنس خامس”