أعرب المطرب الشعبى عبد الباسط حمودة، عن استيائه من المعلق الرياضى أحمد الطيب، عقب ما بدر منه فى مباراة الزمالك وإنبى، أثناء تعليقه على المباراة ضمن مباريات الدورى المصرى، قائلا: “أنا أهلاوى حتى النخاع وبعدين الأهلى يكسب أو يخسر احنا ملناش فيه والزمالك برضو .. وأنا مش عارف الطيب يقصد إيه وعاوز أيه”.
وأضاف حمودة، فى تصريحات لموقع “اليوم السابع” :” الكينج محمد منير يعرف من هو عبد الباسط حمودة ..أنا حصلت على جوائز معه فى فرنسا “، مبديا استغرابه من المعلق أحمد الطيب، قائلا: ” هو يقصد ايه يعنى اللى بيشجعوا الزمالك ناس عالية أوى، واحنا ناس أى كلام شعبيين يعنى .. لا طبعا احنا الأغلبية الشعبية كل حاجة”.
وسرد حمودة، كوكبة من نجوم الفن والغناء من الذين يشجعون النادى الأهلى، قائلا: ” فريد شوقى بيشجع الأهلى، والفنانة صباح وليلى نظمى، وحورية حسن ومحمود الجندى، وناس كتير أوى”. ووجه عبد الباسط حمودة حديثه للمعلق أحمد الطيب قائلا:” لو عمرو دياب الهضبة طب ما أنا الوحش، والناس بتسمينى فريد شوقى والشبح والعفريت، وبعدين إيهاب توفيق مش نجم يعنى، دا عنده دكتوراه”.
و مالو وحش وحش هو يعني حتدفع الضرائب عليها بس حلو وحش بقصة هههههه