أعرب الفنان المصري شريف منير عن غضبه الشديد من فاتورة الغاز التي تلقاها هذا الشهر والتي سببت له صدمة وأكدت له أن انعدام الضمير لدى بعض الموظفين.
شريف كتب على صفحته عبر موقع «فيس بوك»: «اللي حصل إني اتفاجات أن فاتورة الغاز جات لي 3200 جنيه ..سالت المحصل ليه المبلغ ده ؟ قالي لأن حضرتك مدفعتش 17 شهر قلت له ازاى أنا بدفع كل شهر وعندي أخر فاتورة الشهر اللي فات .. فقال لي .. معرفش.. حضرتك اشتكي… رحت فعلا شركة الغاز و قلت للمدير الموضوع… فرد عليا أغرب رد .. قال لي حضرتك لازم تدفع لان اللي بيجي لحضرتك كل شهر ده المتوسط .. فقلت له .. ليه أنا بدفع كل شهر .. أنا ذنبي إيه .. قال لي مالكش ذنب لكن لازم تدفع وإلا هنقطع عنك الغاز .. وكمان حضرتك ماتعتمدش علي مندوب يجي ياخد قراية العداد … إنما حضرتك تقراه وتدخل علي موقع الشركة وتكتبه … أو تكلمني في التليفون تقولهولي … اندهشت اكتر و سألته ليه هو مش دى شغلته .. قال لي أنا بقولك المفيد».
الفنان المصري أكمل معربًا عن غضبه من إهمال الموظفين: «فهل هذا هو المفيد يا سادة.. مشيت وأنا بقول لنفسي هي دي الناس اللي بتشد البلد لتحت .. وبيأخرونا سنين ،،، طيب الموظف البسيط لو حصله موقف زى ده وطلعوا عليه مبلغ كبير وقالوله أما الدفع الفوري لان مفيش تقسيط أو يقطعوا عنه الخدمة هيعمل إيه ،،،طبعا هيكره نفسه وبلده ،، وبعدين نشتكي من الحكومة والريس مع إن العيب في الأخلاق والضمير ولو جالنا ألف حكومة أو ريس هيعملوا إيه .. .. مش كده ولا ااااااااايه».
بس هذا الكلام صحيح حتى عندنا ندفع كل شهر المتوسط و لكن ممكن يزيد بعدين، خاصةً في الشتاء، و قد حصل لي قبل شهر و دفعت الفارق لاننا استعملنا اكثر من اللازم…
يعني يا استاذ الخلل ليس عند الموضفين، الخلل عندك… طبعاً كلامي مبني على ما انت اتيت به..
هما عشان عارفين انه ممثل وكسيب بيحاسبوه تجارى
عموما ماتدفعش وخليهم يشيلوا العدة 🙂
معاه حق فى كُل إللى قاله ! إيه الهزار ده !
هو بيدفع الإشتراك شهرى بشكل مُنتظم يعنى إيه الموظف يقوله عليك 17 شهر متأخرين ؟!
و يعنى إيه لما يروح الشركة يقابل أكبر مسئول هناك يقوله : مالكش ذنب بس لازم تدفع أحسن نقطع عنك الخدمة !!! إيه الشغل العقيم و الروتينى ده نظام إدفع الاول و بعدين نتفاهم ! إحنا كمان بنتعرض لمثل هذه المواقف فى كافة المصالح الحكومية ! الموظف مُجرد آله متبرمجة على تعليمات الحكومة و ما بتتفاهمش مع أى مواطن ! إدفع الأول و بعدين ننظر لمُشكلتك !
و يعنى إيه إتصل بيا و قولى قراية العداد أو دخلها بنفسك على الموقع الإلكترونى ؟! آمال الموظف إللى بييجى ياخد القراية لازمته إيه ؟! و ياترى مين لديه المصداقية عند شركة الغاز ؟! المواطن إللى هيدخل الأرقام بنفسه ولا موظف الشركة إللى هياخُد القراية بنفسه !
طول ما فى روتين حكومى و موظفين عقيمة و إجراءات مُتخلفة عمرنا ما هنتقدم خطوة واحدة !
فى حاجة مش متفق فيها معاك يا شيريف و هى :
وبعدين نشتكي من الحكومة والريس مع إن العيب في الأخلاق والضمير ولو جالنا ألف حكومة أو ريس هيعملوا إيه .. .. مش كده ولا ااااااااايه»
_______________________________________________
لأ معلش، الريس و الحكومة هما المسئولين ؟! الله ، آمال الناس جابوهم ليه ؟! مش علشان يحلوا مشاكل الناس ؟! مش علشان البلد تتعدل ؟! الناس إللى مش عاجبينك دول بيطبقوا روتين عقيم و مافيش رقابة عليهم من الدولة ! المفروض فى ريس و تحتيه حكومة و تحتها محافظين و تحتهم رؤساء أحياء و تحتهم مسئولين و لكل جهه مسئولين و كلهم بيمثلوا الحكومة و هى المسئولة أمام الشعب !
أنا لو منك أصعد الموضوع و ما أسكُتش ! قال 3200 جنيه فى الشهر قال ! أتخن فاتورة غاز فى الشهر 20 جنيه و إنت تلاقيك أكلك كله ديليفرى !