علقت الفنانة شمس على وصفها من جانب البعض من الجمهور على أنها ممثلة “إغراء” وذلك بسبب مشهدها في فيلم “فيلم ثقافي” أمام أبطال العمل: أحمد رزق، فتحي عبد الوهاب وأحمد عيد على الرغم من مرور 22 عاما على تجسيدها لهذا الدور الذي ظهرت به ك”خادمة” .
قالت شمس في لقائها ببرنامج”البخت” الذي تقدمه الإعلامية خلود عزمي عبر قناة “الشمس”: “اهو ده البخت اللي بيقولو علي، بختي كان متوفق اوي في الفترة دي وأنا اصلا مكنتش هعمل المشهد ده ” .
تابعت: “أنا كنت بعمل مشهد العروسة لكن أحمد رزق والله يرحمه الأستاذ سامي العدل قالولي اعملي الدور ده ومتخافيش وخليكي جريئة .. دي كانت عبارة عن نكتة زمان عملناها بالطريقة دي ومفيش اغراء وأخد تريند” .
أضافت: “حاجة اتعملت وبختي كان حلو والناس مش مصنفة الفيلم كده خالص، الناس واخداه بضحك وتهريج مش واخداه بإغراء .. الناس بتشوفني بتضحك ويقولولي من هنا لهنا ب 5 جنيه .. شرف ليا أكون ممثلة إغراء، وكويس عشان أعلي أجري” .
