كشفت الفنانة فريدة سيف النصر عن تعرضها لوعكة صحية مؤخرا استدعت خضوعها لجلسات أكسجين، مشيرة إلى الأعراض التي تعاني منها وأثرت عليها .
كتبت فريدة سيف النصر في منشور لها عبر حسابها على موقع التواصل الاجتماعي “فيس بوك”: “يا حبايبي أنا تعبانة بجد مش هزار والدكتور مش لاقي مبرر .. دي قلة أدب والله مناخير مسدودة، صدر مغلبش معرفش جبتها إزاي دي ولا بدخن ولا بقعد مع مدخنين”.
وتابعت: “همدان حرارة، برودة وجابولي أوكسجين فيه محلول وإتروفين وبالميكورت كله ٥٠٠ .. إيه الهدة دي بقى أعرق، أسقع، أسخن، أدوخ، أكح، أعطس كل الفصول شغالة .. باين ثقب الأوزون بتاعي هو كمان باظ، بس على مين والله ولا أعبرك مبحبش أعيا” .
أضافت “سيف النصر”: “أحفادي مين يدلعهم، كلابي مين يراعيهم، القطط والكلاب اللي برة مين يوكلهم، شغلي مين يصوره؛ لأ ده اللي مالوش أمان يلاقوا غيرك هوا مش مهم .. بس أنا هاوريها قلة الأدب دي قال ألف وزة قال طيب ما أنا بمليون بطة” .
