حلت الفنانة ” ناهد السباعي ” ضيفة مع الإعلامية ” لميس الحديدي ” في برنامجها كلمة أخيرة المذاع على قناة ON في حلقة أجريت على هامش فعاليات مهرجان الجونة السينمائي في دورته الخامسة .
وخلال اللقاء روت ناهد السباعي قصة هروبها من حفل زفافها قبل إقامته بيوم واحد فقط على الرغم من عقد قرآنها بسبب عدم شعورها بالارتياح .
وأشارت ناهد إلى أنه حدثت بعض المشاكل التي قررت على إثرها عدم الاستمرار فقالت : ” حصلت مشاكل ملهاش علاقة بيا بس حسيت إن المشاكل دي ماينفعش أعيش بيها في حياتي ” .
وعن موقفها من الزواج أكدت الفنانة ناهد السباعي على أنها لا تحب الرجال وعند إخبارها بوجود ” عريس ” لها تصيبها حالة من الانهيار والبكاء .
وتابعت : ” أنا مش بطيق الراجل أصلاً .. أنا عدوتهم لما بحس حد بيقولي جايبنلك عريس واتعرفي عليه بعملهم مصايب وبعيط وبنهار وبصوت ” .
وعلقت والدتها المنتجة ” ناهد فريد شوقي ” على ذلك قائلة : ” دي بتتعب وبتبقى عيانة وكنت بقول لنفسي تكونش بتمثل .. معترضتش على هروبها رغم إنه تم كتب الكتاب وقولتلها مافيش حاجة خلاص اللي هتحسيه هنعمله ” .
وأضافت : ” كنا خلاص في العين السخنة وكنا خلاص هنعمل الفرح ومحستش إنها رافضة قبل الوصول إلى ليلة الفرح ” .
