اعتذر الفنان المصري، ضمن برنامجه “أعزائى المشاهدين مفيش مشكلة خالص” المذاع على فضائية “سي بي سي”، من كل طفل مصري وعربي في مشهد مؤثر.
وقال صبحي في اعتذاره: زمان تأثرنا لما محمد الدرة اتقتل بخسة وندالة وآسفين أكتر من الدرة لـ إيلان الكردى السورى حصلنا إيه وفى ألف درة من ولادنا بيموتوا كل يوم فى العراق وسوريا وفلسطين كأن كتب على دررنا ان تنفرط من العقد وتموت، والكارثة الكبرى الاطفال من 15 سنة اللى الغرب بيشتريهم ويجندهم ويعلمهم الإرهاب ويهينوا الاسلام البعيد عن كل هذا، لازم كل طفل يأخد حقه من حقوق الإنسانية.
وتابع: الاعتذار واجب للطفل المصرى، إحنا آسفين لما نعاقب طفل لما يشتم رغم إننا بنشتم عادى، قولنالك لازم تعمل اللى بتحبة وتلاقينا ندخلك لما تكبر الكلية اللى احنا بنحبها، إحنا آسفين بنقلك لابد من احترام النظام وكل مكان نروحة نتعرف على المدير عشان لا نتبع النظام، هننتظر ايه من طفل ابوه يضربة بقسوة مبررا انه يربيه او مدرس مريض يمارس مع الطفل كل وسائل التعذيب، وارد اننا نجد هذا الطفل يضرب كلب او قطة لأنه لا يتربى على الرحمة، ولما يكبر هيعمل إية مع الإنسان اللى مثله”.
وقام صبحي خلال الحلقة باستضافة أحد أطفال الشوارع على أنغام أغنية لعبدالله حسن حيث قام بعدها بتقبيله واحتضانه.
كما تضمنت الحلقة أيضا “سكيتش” تمثيليا جسد فيه محمد صبحى دور الأب لديه طفلان قررا عمل انتخابات داخلية فى المنزل وفاز الابن الذى أصبح متحكما فى كل شىء بالمنزل.