شتعلت حرب التصريحات بين كل من وليد منصور منتج فيلم “البدلة” وبين محمد رمضان بطل فيلم الديزل منذ ساعات وذلك بسبب اصرار كل منهما على تصدر فيلمه قائمة الأفلام الأكثر رواجا في موسم عيد الأضحى
محمد رمضان اتهم منصور بأنه يزيف ايرادات فيلم البدلة لتامر حسني ويدعي أنه الاول ما دفع منصور للرد على بطريقة قاسية عبر حسابه على موقع التواصل الاجتماعي فيس بوك حيث نشر رسالة كتب فيها: موجه مني المنتج وليد منصور إلى شخص مجنون يدعى محمد مرضان وصلني انك بتبعت رسائل من تليفونك الشخصي تتهمني فيها بتغير ارقام الإيرادات .مكنش نفسي أرد على شخص زيك رمز للإسفاف علشان مخرج العمل ومنتجه أصدقاء محترمين بس انت زودتها قوي يا حماده . اولاً انت اسمك لازم كل مصر تغيره ل محمد مرضان لإنك بتفكرني بالمجانين اللي ماشين في الشارع ومش عايزين يصدقوا انهم مجانين فإرتاح يا حماده محدش عاقل هيصدقك عمرك ما كنت رقم ١ في الإيراد.
وأوضح وليد منصور :”عمرك ما كنت احد نجوم الصف الاول وانت عارف ان السبب ان فنك هابط يامرضان وملامحك للأسف متعرفش تعمل غير دور المدمن او البلطجي او ارهابي او حرامي انا كان نفسي متكلمش عنك لإنك أصلاً بالنسبالي وبالنسبه لكل الشعب الراقي المحترم اكذوبه وانت عارف كويس ان أفلامك طول عمرها بتفشل قدام النجوم المحترمه زي السقا وعز وتامر وأستاذ عادل امام نصيحه يا مرضان روح أتمرن تمثيل بدال مانت أداءك واحد في كل أدوارك يابني انت طبعاً انت هتموت عشان مش عارف تشتري ڤيوز زي أغانيك الهابطه فمفضوح اوي قدام الغلابه اللي مصدقينك اللي بينقرضوا واحد ورا التاني يا ولا … ”
وأضاف منصور :”قسماً بالله لو لقيتك بتهرتل على اي حد تاني هيكون ردي اعنف من كده واصلاً انا لسه مخلصتش ردي انت هتموت من الغيظ عشان البدله علم عليك ولسه هنعلم اكتر وانت عارف هتتمسخر ازاي الفتره اللي جايه زي مااتمسخرت فكل أفلامك اللي فاتت.”
يذكر أن محمود شقيق محمد رمضان ومدير أعماله كان قد أصدر بيان صحفي يتهم فيه وليد منصور بتزوير ايرادات فيلم البدلة لتامر حسني للتأكيد على كونه يحتل المرتبة الأولى في شباك التذاكر.