احتلّت الإعلامية #منى_أبو_حمزة المرتبة الخامسة ضمن قائمة أجمل 35 وجهاً تلفزيونياً في العالم. وجاءت الإعلامية المصرية #وفاء_الكيلاني في المرتبة الـ 13، فيما تمّ اختيار المذيعة المحتجبة عن الشاشة نادين اغناطيوس ضمن القائمة، فجاءت في المرتبة العاشرة.
منى أبو حمزة الخامسة عالمياً كأجمل وجه تلفزيوني
ماذا تقول أنت؟
واو فنطاستك
هههههههههههههه بس
الضحكه مش عالخبر
عالفنطاستك ههه معلش سامحني معلم
هههههه والله حلوة هاي فانطاستك
برجع للخبر : هي صحيح حلوة ولكن الصراحة راحة وجهها كأنه مخمر يعني منفوخ متل العجين بالخميرة …البلاستيك سيرجوري
حلوه اسمالله عليها بتستاهل ..
بس كأنها نافخه خدودها مبين عن جديد قبل ما كانت هيك ..
حبيبتي بلو ….. ماعاد في ثقة الله وكيلك صرنا نخجل نقول فلانة حلوة عشان الناس ماتضحك علينا
شوفي زمن و بعيداً عن ماقدموه جورجينا رزق و شمس البارودي و سعاد حسني وووو كان جمالهم يُضرب به المثل
لكن شوفة عينك حالياً كلشي اصطناعي يخرب بيتهم حتى الرموش ماتركوها بحالها ههههههه
بس للأمانة لبسها شيك كتير في معظم الصور
تحياتي يالغالية
هلا بالغاليه ام هكار صحيح كلامك ما عاد فينا نحكي تصدقي هالصيفيه طولت إجازتي الصيفيه
ومثل العاده منرجع نشوف صورنا لمن كنا زغار وشفت صور ماما الله يطول بعمرها هي ووالدي وعمرك وعمر محبينك ..صورها القديمه كانوا يشبهوهم بممثلات السينما عا كثر ما كانوا حلوين وبعدها حلوه وعالطبيعه اما اليوم ما عاد شي طبيعي وبعمر كتير صغير بيبلشوا بالمكياج وكتير قصص ..
سر زغير بيني وبينك تصدقي ام هكار لمن تعرفت على زوجي قالي حب فيي طبيعتي وبدون مكياج والصراحه بحب المكياج الخفيف اللي ما بيغيرلي شكلي ..
اما منى طلعت وبعدها انيقه وحلوه وطبيعيه كثير بحديثها وقريبه للقلب بس كنت كلما احضرها قول انشالله تبقى هيك ..
تحياتي لك حبيبتي ووصلني ردك على مشروع الجريده هههه بس ما قدرت رد بوقتها مثل ما تفضلتي عم غيب والمشروع رح يفشل وتسلملي اللغه اللي سكر خفيف من احلى كورديه تعرفت عليها بالحياه وبنورت نشوفك على خير ..
زمن = فنانات زمان
صباح السعد والرضا على الأميرة بلو سكاي
والله كلامك درر حبيبتي قطعهم … سدوا نفسي عن الجمال صرنا نخجل نجيب في سيرة الجمال … وانا نفس الشي عندما ازور بيت اهلي واتفرج عن الصور
القديمة يعني يمكن تاريخ بعض الصور اكثر من 70 سنة والله اشوفهم احلى من
هذاالجمال اللي نراها الأن عشان اياميها الوجوه كانت مختلفة لكن حالياً كل الناس صارت شبه بعض !!!!!
لأنكي عزيزة علي حبيبتي مش حابة تخسري فلوسك عشان كدة راح نفكر بغير مشروع ندخل فيها مع بعض يااحلى لبنانية قابلتها في حياتي
بس شنو رأيك نفتح مطعم و نبيع ورق عنب فكري وردي علي هههه
بخصوص السر فضفضي وقت ماتحبي ان شاء الله سرك ح يكون في بير …….
مالوش ئرار ًصححيلي هالكلمتين اذا ماكتبتهم صح
تحياتي يالغالية