وجهت الفنانة المصرية نشوى مصطفى نصيحة للفتيات المقبلات على الزواج، من واقع تجربتها الشخصية مع زوجها، والذي يدعى “عماد”.
نشوى قالت في نصيحتها للفتيات: “نصيحة من قلبي لكل بنت مقبلة على الجواز – يابنتى تحرى الدقة والحيطة والحذر- لو الانسان اللي حترتبطى بيه زملكاوى لازم تكونى عارفة ان سلام بيتك العائلى مهدد – لانه كل ما الزمالك يتغلب حينكد عليكى عيشتك—مش كده بس انتى حتجنى على ولادك اللي حتخلفيهم لان اكيد باباهم حيخليهم زمالكاويين زيه ومهما حاولتى انهم يطلعوا اهلويين مش حتقدرى”.
وأضافت مازحة، على حسابها الخاص على موقع “الفيس بوك”: “انا باخلص ضميري وبانصحك لوجه الله – ولو قالك انا مش زملكاوي لازم تاخدي عليه تعهد ممضى من اتنين موظفين انه صادق – لانه ممكن يكون بيكذب ويتمسكن لحد مايتمكن ويتجوزك وبعدين يظهر على حقيقته- يا رب الزمالك ينجحوا وياخدوا الدورى يا رب”.
وكانت نشوى مصطفى قد كشفت من قبل عن معاناتها مع زوجها بسب تعصبه لنادي الزمالك، خاصة في المباريات التي يخسر بها فريقه، حيث قالت: “هو النادي الأهلي مش المفروض يراعى الستات المتجوزين بشر زمالكاويين—إيه يا ناس ماعندكمش ولايا”.