علقت الفنانة ناهد السباعي، على الهجوم عليها بسبب فيلم “الحرام والجسد”، قائلة “لا أقوم بعمل إسفاف، والتصنيف للفيلم إنه للكبار فقط بسبب مشاهد قتل”، مضيفة “نحن نقوم بعمل صناعة وهذه هي الاحترافية، وإذا أردنا أن يكون لدينا أفلام قوية وعالمية لابد ألا نفكر في أشياء سطحية”.
وتابعت “السباعي”، خلال حوارها مع الإعلامي وائل الإبراشي، في برنامج “العاشرة مساءً”، المُذاع على فضائية “دريم”، “مضايقني أن الناس بتتكلم في اللبس واللي بيتعمل في الفيلم، ومبتتكلمش على حاجات كتير جدًا بيناقشها الفيلم، فالكلام كله عن الشخصية الجنسية ومش ده اللي بيتناوله الفيلم”.
وأستطردت، “انا مبقتش بعمل حاجة من غير ما اتشتم، ولما بيتقال علي ممثلة جريئة بتبسط جدًا، لان الجرأة مش بس مشاهد، انا بفكر في الموضوع بطريقة تانية أني بمثل أو بعمل دور، وده شغلي وببذل مجهود أني اعمله كويس، وانا مع أي نقد لكن ليه الشتيمة بزيادة؟”.