هذا ما قالته أصالة عن يسرا.. بالصورة

نشرت الفنانة السورية أصالة عبر صفحتها الخاصة على احد مواقع التواصل الإجتماعي، صورة للممثلة المصرية يسرا لكي تتوجه لها بالشكر عما فعلت معها، وتسرد لجمهورها ما حدث.

وكتبت أصالة تعليقاً على الصورة: “صباح الخير أحبّتي… مبارح كنت راجعه من وطني الحبيب الطيّب البحرين ولقيت بمطار القاهره يسرا الغير عاديّه وغير عاديّه ليش؟ رح خبّركم.

وتابعت: “كانت معزومه على عشا وتأخّرت الشنط ولمّا وصلت شنطنا طلعنا برّه وللأسف تيتو علق بزحمه وهوّه جايه ياخدني من المطار ويسرا سيّارتها برّه وأنا معي شنط مابيساعوا معها بالسيّاره فاشكرتها على دعوة التوصيله وقلتلها رح أستنّى تيتو وودّعتها ، ولكن ماقبلت تتركني وانتظرت معي بسيارتها أكتر من نص ساعه بإصرار منها غير عادي”.

وأضافت أصالة: “وفتحت مواضيع وضحكنا وماحسّستني ولا ثانيه بإستعجالها، وكوني بسافر كتير وبيتأخّر عليّي تيتو مرّات وبيكون معي مرّات صحاب أو معارف ، حقيقي ماحدا بيعمل هيك بهالطريقه السوبّر راقيه وحسّاسة ، يسرا غير حقيقي يسرا غير ومن حقّ الزمن يتضامن معها لتبقى صبيّة هالحياة لأنّه قلبها وروحها وضميرها كذلك”.