أوضح حسين عزالدين، والد الفنانة مي عز الدين، أنه فخور بما قدمته ابنته وسط العديد من العملاقة، قائلا “روحي اللي بتنفسها وعيني اللي بشوف بيها”.
وأضاف متأثرًا خلال مداخله هاتفية مع الإعلامي عمرو أديب في برنامج “كل يوم”، والذي يذاع على فضائية “on e”، “أنا بتأسفلك عن الفترة اللي بعدنا عن بعض كتير وكنا بنشوف بعض كل سنة، وأنا فخور بيكي علشان عملتي كيان وشخصية وسط نجوم الفن”.
وتابع: “هي اللي بتفكر كل حاجة، وبتقلق في شغلها، وأنا ببقي خايف عليها من عمل لعمل”.
وتابع: “كنت بخاف على مى، ومكانتش تعرف حاجة عن الدنيا، ولما دخلت فى الفن قالتلى أنا تعلمت كتير وبقيت بقعد مع الشخص وأعرف شخصيته، وبوجه الشكر لوالدتها، اللى مقدرش أنكر تربيتها لمى، وربنا يوفقها ويديها الصحة”، مردفاً: “نفسى أفرح بيها، وأجيبلك يا عمرو أديب كيلو بسبوسة وأجيلك لغاية عندك، مفيش فى قلبى ولا تفكيرى غير دى، عشان أشوف إنتاج مي عز الدين بيبي صغير كدة”.