المقادير: لــ 4 اشخاص
مدة التحضير: 30 دقيقة
لحمة مفرومة 500 غ
بيض1
بقدونس2 م
ارز مطهو ½ ك
ملح، فلفل, بحسب الرغبة والطلب
زيت زيتون 2م
بصل احمر، سماق، بقدونس مفروم
للزينة
طريقة التحضير:
نضع اللحمة المفرومة في وعاء، ثم نضيف البقدونس المفروم، والبيضة، والارز المطهو، والملح والفلفل.
نمزج الخليط جيداً، ونجعله على شكل أصابع.
نحمي الزيت ونقلي اصابع كفتة الارز في المقلاة .
نزين بحلقات البصل الاحمر ونضعها في طبق، ونضيف البقدونس المفروم والسماق، نقدم الطبق ساخناً.
وصفه منيحه عجبتي بس لشو البيضه ؟؟ لأن النشا الموجود في الرز كافي حتى تتماسك أصابع الكفته
كثري يا نورت من هذه المواضيع
يسلموا
كيفك يا ام هكار يا عسل.
وكيفك يا سنفورة الامورة
اهلين حبيبتي منال
اشلونج واشلون البنات
تركتلك تعليق في موضوع السمك لا ادري اذا قريتيه
ليش غيرتي رأيك اسم جاد كتير حلو
تحياتنا ل سنفورة
اهلين ام هكار. غيرته لان طلع في واحد اسمه جاد شويري شكله وحركاته زي النسوان. ومن ساعتها وانا كرهت الاسم.
الليسته باقي فيها كريم وادم. بس انا كل يوم براي شكل. يختي مش كفاية بنخللف كمان نسمي هههه
حبيبتي والله دمك شربات
والله يامنال بس الوحدة تخلف تنسى الأسماء والأختيار يكون صعب مابعرف ليش
انا بصراحة ب فضل اسم ادم على كريم
خلص معناتو ادم. بناتي لتنين كمان بدهم ادم.
الله يعينا يا ام هكار ونربيهم كويس وينجحو بحياتهم ويحللو عنا , ما بدنا اشي منهم ههههه
ههههه بنتي لصغيره جابتلي كاسة فاضية بتقوللي ماما خدي شاي ههه. شكلها بتتريق علي علشان سايباها وقاعدة عالكمبيوتر.
عن اذنك يا ام هكار يا عسل , اصلي واعدة اختي اروح عندها.
نشوفك على خير حبيبتي
ان شاءالله تقومي ب السلامة
اكيد بتتريق عليكي حبيتي الله يخليها
ان شاءالله راح نعمل كل اللي نقدر عليه والباقي على ربنا
لا والله مانريد اي شي منهم غير انهم يكونوا من الصالحين
تحيتي لكي ولأختكي كمان
🙂
الكفته مثل ما هي اصولها لحمه مفرومه مع البصل والبقدونس وبهاراتها وبس ..
لشو الرز اول مره بسمعها