اعلامي مصري يسخر من أمل كلوني بعد طلبها لقاء السيسي

سخر الإعلامي المصري “محمد شردي” من المحامية و الناشطة الحقوقية “أمل علم الدين” بسبب طلبها لقاء الرئيس المصري عبدالفتاح السيسي.

وقال شردي، في حلقة أمس السبت من برنامج “90 دقيقة” و الذي يُعرض على قناة المحور، قائلاً “مين إنتوا عشان تطلبوا تقابلوا عبد الفتاح السيسي ….. إنتي مين، إنتي ولا حاجة، إنتي لا شئ، إنتي إيه إللى جايبك عشان تطلبي من رئيس جمهورية أن يتدخل فى النظام القضائي في مصر؟”.

و تابع هجومه قائلاً “ماتروحى الأول لبنان يا أمل، مش عندكوا فى بلدكوا فى بلاوى بتحصل و محتاجة محاميين، هما بس مابيقدروش يدفعوا زى الجزيرة، هما هيدفعولك أقل من الجزيرة، ولو إنتي بتعتبري نفسك لبنانية، إنما إنتى أساساً معاكى الباسبور الفرنساوي، أعتقد إن بيروت و قضاياها أولى، وبما إن المسألة كده و ده الموكل بتاعك أشوفك بقي في محكمة من محاكم القاهرة”

و أضاف شردى “ماتيجى تحضرى معانا جلستين حلوين كده عشان المحاميين المصريين يتفرجوا على الأداء بتاع هذه المحامية الفرنسية مرات نجم هوليوود إللى باعته لوكالات الأنباء أنها تطلب تقابل رئيس الجمهورية و رئيس الوزرا عشان تناقشهم فى قضية المعتقلين عشان تعمل شو إعلامي …… مش بقولكوا عايزين إنشراح”

وكانت أمل كلوني قد بعثت، بحسب وكالات الأنباء، برسالة الى السلطات المصرية طلبت فيها مقابلة الرئيس المصري عبد الفتاح السيسي، أو أحد مسؤولي حكومته، لمناقشة الافراج عن صحافي قناة “الجزيرة” محمد فهمي الذي تخلى عن جنسيته المصرية ليتسنى ترحيله إلى كندا.