قررت إندونيسية أن تكشف النقاب عن “لحيتها” للمرة الأولى، وذلك بعد أن ارتدته 14 عاماً لتخفي تلك الظاهرة المرضية التي جعلتها عرضة لكثير من السخرية والتساؤلات الجارحة، حسب تصريحاتها لوسائل الإعلام المحلية.
وتقول “أوجستينا دورمان”، التي تبلغ من العمر 38 عاماً، إنها اضطرت أن تواجه المرض الذي أصيبت به بعد ولادتها لطفلها الأول منذ أن كانت في الخامسة والعشرين من عمرها، حيث بدأت حينها تلاحظ ظهور شعر كثيف في منطقة الشارب واللحية، والذي ازدادت كثافته مع مرور السنين مما اضطرها لارتداء النقاب لتجنيب نفسها وأطفالها الأربعة نظرات المحيطين بهم.
وتكمن مشكلة “دورمان” في أن الأطباء لم يتمكنوا من علاج الخلل الهرموني الذي أصابها عقب ولادتها الأولى، كما أنها لم تتمكن من إزالته، بسبب حدوث آلام غير قابلة للتحمل كما تقول هي، حسبما ذكرت صحيفة “ديلي ميل” البريطانية.
و شو عدا ما بدا ليش قررتي تظهريها ؟؟
مسكينة صلعاء الشعر وملتحية ، سبحان الله بياخذ من هنا وبيوصل من هنا
ما هي صلعاء لأن الهورمونات الذكورية كتير قوية عندها
هذا من زيادة الهرمونات في الجسم وممكن علاجها ..وبعدين كتير فرحانة بهالدقن حتى تظهر ها بعد 14 سنة !
مساء الخير أختي نور .. يبدو يا أختي من وقت ما سألتني الاخت عربية عن الوضع وقلتلها نسونا يبدو أني نحست الوضع كلو .. لانو تاني يوم البراميل متل المطر علينا .. مبارح وقع واحد ببيت جدي والاضرار مادية بس الحمدلله .. واليوم كمان قريب علينا …وفوقها صواريخ الارض أرض .. لا تنسونا من الدعاء خيتو ..
لاحول ولا قوة إلا بالله العلي العظيم …الله يستر عليكم أخي مأمون وينجيكم من كل شر ويحميكم ويتلطف فيكم شكله هالمجرم برمضان زايد إجرامه لأنه نازل قصف كمان بريف الشام وبالقابون وبكل مكان يارب يخلصنا منه بحق هالأيام المباركة
والله يا أخي قلوبنا معكم ودعائنا ما عم ينقطع وبالمساجد كلها هون عم يدعوا للسوريين ربنا ينصركم
يا ريت طالع بإيدنا غير الدعاء ياربي فرجك ..طمنا عنكم أخي مأمون ولا تقطعنا وبإذن واحد أحد الله ما بيضركم
الشكوى لغير الله مذله يا أختي … بس اللي صار فينا هاليومين واللي رح يصير هو تمثيل لكلامي لما قول أنو الطرفين مجرمين .. وانو الطرفين ما همهم الناس ولا الشعب ..
من كم يوم راحوا المسلحين اللي عنا ضربوا حاجز .. وتبنوا العملية .. وما اكتفوا بهيك .. راحوا جابو رأس لجندي او ضابط ما بعرف وصاروا يفتلوا فيه بالشوارع .. ويرقصوا فيه ..من يومها عرفنا أنو في انتقام جاي .. ومتل العادة الطرف المجرم التاني ينتقم من الناس المدنيين .. وهاد اللي صار .. مبارح استشهدوا عيلة كاملة لما انهد بيتهم فوق راسهم وانصابوا كتير .. واليوم كمان الاصابات كتيرة .. والله يستر من القادم ..
لا تأخذني أخي مأمون افتكرتك طلعت
ربنا يكون معكم وينجيكم يا رب وياخد بشار وعصابته والجيش الحر لأنه كل واحد فيهم بيقاتل التاني وبيتخبى وبيتركوا المدنيين يتعاقبوا بدالهم ربنا يخلصنا منهم تنيناتهم
الله يرحم هالعيلة اللي ماتت ويحمي كل المدنيين من اجرام بشار والجيش الحر وينجيكم من شرهم بحق هالأيام المباركة
استبشرنا خير بهالثورة طلعت خراب على بلادنا وشعبنا اللي دفع الثمن ربنا يجعل نهاية هالثورة قريبة ويجعلها خير على شعبنا
قلوبنا معكم خي مأمون ودعائنا ما عم ينقطع الكم يارب يستجيب دعائنا ويرفع هالمحنة والكرب عنكم وينجيكم ويرجع الأمان لبلادنا …إن شالله تكونوا بخير دائما أخي مأمون وطمنا عنكم أمانة