بالصور.. منزل ويل سميث مستوحى من التراث المغربي

حياة-سلاولاو-فوزية-كوثر-سعاد-الزيدي-أمينة-حنين الجزائرية-أم منولة و برهوم و كل المشاهدين الأوفياء استعدواااا…حلقة جديدة من الملسل الأسطوري ”خلخال ازميرالدا” على وشك ان تبتدئ…استعدوووووووووووووووووووووووووووووووووووووووووووووووووا..

انطونيو: شكون تيدق الباب؟؟ آبلاتي …غير بشوية..
الضابط باركر: صباح الخير …واش انت هو سينيور أنطونيو مارتينيز؟؟
انطونيو: إييه هو أنا؟ كاين شي مشكل؟؟
باركر: عندنا أمر بتفتيش المنزل ديالك..
انطونيو: علاش؟؟ شنو واقع؟؟ ياك لاباس؟؟
باركر: انت متهم بإخفاء شاب مكسيكي اسمه خوليو بيدروزو ..
انطونيو: تفضل آسيدي…فتش على راحتك..
باركر: فتشت مزيان و لكن ما لقيت حتى واحد..ممكن تقول لينا فين هو صاحبك خوليو؟؟
انطونيو: معرفتش فين مشى..
باركر: ممكن تمشي معايا للمركز…انت مطلوب لاستجوابك..
انطونيو: و لكن شنو درت أنا؟؟
باركر: حتى للمركز و غادي تعرف كل شيء..
انطونيو: سيدي ممكن نعرف شنو المطلوب مني..
باركر: أولا ،،عندي شوية ديال الأسئلة غادي نطرحهم عليك سينيور أنطونيو:اسمك بالكامل،، عمرك،، المهنة ديالك،، شنو هو سبب تواجدك ب ميامي؟؟
أنطونيو: اسمي: انطونيو مارتينيز، الجنسية: مكسيكي من كوادلاخارا،، عمري: 25 سنة،، المهنة : بصراحة مازال ما لقيت حتى شي خدمة هاد الساعة…و سبب تواجدي ب ميامي هو باش نخدم و نكون مستقبلي..
باركر: سينيور أنطونيو مارتينيز،، ممكن نشوف أوراق الإقامة ديالك؟؟
انطونيو: بصراحة معنديش أوراق الإقامة..
باركر: يعني انت مهاجر سري؟؟
انطونيو: بصراحة إييه..مهاجر سري..
باركر: يعني انت تتخترق القانون و تتهاجر بطريقة غير شرعية لأمريكا؟؟
انطونيو: فعلا سيدي هادشي اللي وقع..
باركر: و علاش؟ شنو هو السبب اللي خلاك تخترق القوانين و تهاجر بهاد الطريقة؟؟
أنطونيو: سيدي، أنا ولد الناس محترم،، مهندس معماري من مدرسة المهندسين في ولاية مكسيكو،، حاولت نلقى خدمة،، و لكن للأسف مالقيتش،، و قلت مع راسي نجرب حظي في بلاد الأحلام.. و لكن ملفي للحصول على فيزا كل مرة كيرفضوه..و هكذا قررت ندخل من الحدود سريا..أنا غرضي هو نخدم و نكون مستقبلي…صااافي…نيتي حسنة..
باركر: كيفاش تكون نيتك حسنة و أنت كتخترق القوانين المعمول بها دوليا و التي تحارب الهجرة بطرق غير مشروعة؟؟؟؟؟؟ !!!!!!!!!!!
انطونيو: سيدي ،، أنا عارف خطئت.. و لكن ما كان عندي حل آخر،، كنت مضطر و مجبر،، هادشي كله سببه الفقر..
باركر: سينيور أنطونيو،، احنا ميمكنش نصدقو كلامك …و بنفس الوقت مغاديش نكذبوه… كل الاحتمالات للهجرة ديالك بهاد الطريقة واردة،، حنا شكون قال لينا بلي انت مهاجر باش تلقى فرصة شغل …ممكن تكون جاي لأغراض آخرى …و أنتم في المكسيك معروفين بتجارة المخدرات و الأسلحة..
انطونيو: سيدي،، هذه تهم ثقيلة و خطيرة،، و أنا إنسان عادي جدااااا،، ملفي العدلي نقي و معنديش سوابق..
باركر: وشنو ممكن تقول لينا على صديقك خوليو بيدروزو؟؟ راه متهم بضرب شاب من فنزويلا… و كان غادي يصفيها ليه تماما ..و لكن تم إسعافه و الآن هو بخير..صاحبك هربان و انت أكيد عارفو فاين مشى؟؟ ممكن تقول لينا فين مشى صاحبك؟؟
انطونيو: اسمعني آ سيدي،، قبل ما تجيو عندي للدار تقريبا بشي ساعة و نصف،، دق خوليو الباب،، فتحت الباب،، لقيتو كلو كيترعد و خايف،، و قال لي خبيني انطونيو،، استغربت و قلت ليه مالك؟؟ خبرني أنه ضرب شي زلايجي فنزويلي تيخدم معاه في الدوش بزليجة للراس،، و أنا نصحته باش يسلم نفسه للسلطات،، و حيث منعته يتخبى عندي في الدار،، هرب…و ما عرفتوش فاين غادي يكون مشى..ثيق بي آشاف هادي هي الحقيقة كلها..
باركر: و علاش ما جيتيش تبلغ المركز بهادشي اللي جرى؟؟
انطونيو: كنت ناوي نجي،، و بصراحة آشاف بيني و بينك،، خفت حيث أنا مهاجر سري خفت نوقع في المشاكل..
باركر: يعني انت خايف على وضعك القانوني في ميامي.. و ما خايفش من تهمة عدم تبليغ عن مجرم هارب؟؟ !!!!!!!!!!
انطونيو: الشاف ،، أنا كنت ناوي نجي و لقيتيني كنت عاد ماجي..واخا كنت متردد..حيث هادي راها مسؤولية كبيرة..
باركر: هاد خوليو بيدروزو حتى هو مهاجر سري؟؟
انطونيو: اييه آ سيدي..
باركر: يعني كلكم عصابة ديال الحراكة !!!! و تتقول جايين تكونو مستقبلكم؟؟ !! نتوما جايين تنوضو الفوضى هنا.. اسمع سينيور أنطونيو مارتينيز،، احنا مضطرين نبلغو السفارة ديال المكسيك بوضعك و استعد للترحيل لبلادك عما قريب..و الا غادي تكون معرض للمساءلة القانونية..
انطونيو: و لكن آشاف شنو درت أنا؟ راه الحقيقة كلها خبرتكم بها؟؟ علاش الترحيل؟؟
باركر: بغض النظر عن مشكلة صديقك خوليو ف أنت متهم بالتواجد في ميامي بطريقة غير قانونية،، و بالتالي لابد من ترحيلك للمكسيك..سينيور هذا هو القانون..و أنت كيما قلتي ولد الناس.. محترم و مهندس و معندكش سوابق..بالتالي راك عارف القانون،، تنصحك،، ارحل احسن ما توقع في مشاكل آخرى..و استعد ….من دابا لشي أسبوع غادي ترحل…و احنا غادين ناخذو البيانات ديالك… و نعلمو السفارة ديال بلادك بالأمر..و لهذا؛ غادي تشرف عندنا هنا في المركز تحت الحراسة ديالنا.. حتى نكملو إجراءات ترحيلك….آسف سينيور انطونيو و لكن القانون هو هذا و لازم ياخذ مجراه..و القانون لا يحمي أي خارج عنه..
ماريا فرناندا: يا ربي السلامة على حلم حلمت هاد الليلة…أنا قلبي واكلني على ولدي انطونيو…ما مهنياش من جهتو.. العالم الله شنو واقع ليه في بلاد الميريكان !!
انطونيلا: ما تخافي والو آ ماما…ياك غير هادي يومين باش تصل بيك في التليفون..و قالك بلي هو بخير و على خير و لقى خدمة..
ماريا فرناندا: واخا آبنتي…قلبي ما مرتاحش…حاسة بلي جرات لو شي حاجة…يا ربي تدير له شي تاويل دلخير..
روزاليندا: أأأووووه ماما…شحال عزيز عليك الدراما…ولدك راه بخير و خدام مع راسو… و تيفوج في ميامي كيما بغى… و كل أسبوع يتكونيكطا مع سينيوريتا كريستينا في الانترنت تيشاطي معاها…و انتي حاملة ليه الهم هنا…باراكاااا عليك من الدراما..
ماريا فرناندا: اسكتي نتيا…قلبك حجر…قلبك صخر…حتى تولدي عاد غادي تعرفي بحق الكبدة و الأولاد..
روزاليندا: ههههههه ماما ..هذا نيت علاش قررت ما نولدش كاع…آو نولد غير واحد بارااكا عليا…خاصني نتمتع بشبابي… مشاكل و صداع الدراري ما عندي ما ندير بيها..
انطونيلا: حتى تلقاي بعدا باباهم عاد هضري هههه قالك حتى يزيد و نسميه سعيد هههه
روزاليندا: سكتي نتيا آلمسمومة شكون كلمك؟؟ ارتاحي.. عما قريب غادي نلقى باباهم و غادي تكون مفاجأة كبيرة ليك..
انطونيلا: غير احلمي آبنيتي احلمي…هداك اللي تتحلمي بيه كاع مادايرك في حسابو ههه
روزاليندا: دابا نشوفو آلمسمومة..
ماريا فرناندا: سكتوني آلبايرات،، واش أنا قلبي واكلني على وليدي… و نتوما تتناقرو عليا كي الفرارج…الله يقطع ليكوم الحس..
بيدرو: إيزابيلا إيزابيلا…فاينك؟؟
إيزابيلا: هانا هنا شيغي…شنو بغيتي؟؟
بيدرو: بغيت تمشي معايا للبنك…خاصك تسحبي ليا شوية ديال الفلوس من حسابك.. محتاجهم..
إيزابيلا: و علاش بالسلامة؟؟
بيدور: إيزابيلا شيغي ،،راكي عارفة الورطة اللي ورطني فيها رودريغو…ورطني مع الكليان و هرب ل الأرجنتين..و دابا انا اللي في وجه المدفع.. خاصني نفك هاد الجرة على خير..و ايلا غادي نتحبس..
إيزبيلا: اصلا انت المسؤول على هاد الورطة ماشي أنا…نهار الأول قلت لك قلبي ما مرتاحش لهاداك رودريغو…و انت كنتي مصمم تعمل معاه بيزنيس..
بيدرو: إيزابيلا،، هاد الكلام معندو حتى معنى دابا…اللي وقع وقع…و أنا دابا في ورطة كبيرة و محتاج المساعدة ديالك شيغي..
إيزابيلا: بيدرو،، كل مرة كتوقع راسك في شي ورطة ف شكل و كل مرة انا اللي تنخرجك منها…هادشي بزااااف…ايلا بقينا هكا…شي نهار غادي نفيقو نلقاو راسنا على الدص..ما نكسبو حتى فرنك..
بيدرو: واش نفهم من كلامك أنك تترفضي تساعديني..
إيزابيلا: ماشي تنرفض و لكن خاصنا شي حل جذري لهاد الورطات..و خاصني شي ضمانة…راه الحساب ديالي بدا ينقص…كل مرة تنخرج و ما تندخلش..
بيدرو: هذا كلام جديد إيزابيلا.. واش من ضمانة بغيتي نعطيك..
إيزابيلا: خاصك تكتب ليا الفيرمة اللي في سانتا كروزا بسميتي…هكذا غادي نضمن فلوسي..
بيدرو: شنوووو؟؟ !!!!! و لكن هاد الفيرمة راني ورثتها على جدي الله يرحمه و كانت وصيته ما نفرط فيها لحتى شي واحد..
إيزايبلا: علاه انا غير ”شي واحد”…شفتي،، انت بغيتيني نعطيك الفلوس و لكن انت مبغيتيش تكتب ليا الفيرمة.. بمعنى انا مطلوب مني نتيق فيك …و لكن انت ما تايقش فيا..
بيدرو: راه انتي اللي بان لي ما تايقاش فيا…و اول مرة تنسمع منك هاد الهضرة؟؟ شنو؟ ياك ما حرشاتك صحيبتك المخلصة ”دانييلا”…و بديتي تحلي عويناتك..
إيزابيلا: بيدرو،، دانييلا ما عندها حتى شي دخل فهاد الشي اللي تنقول لك…دانييلا الهم اللي عندها يكفيها…واش دخلها فينا؟ انا راني تنقول لك هادشي من القناعات ديالي…حسابي البنكي غادي و تينقص…حيث المصاريف كثرت و المداخيل قلت…و هذا ماشي في مصلحتنا.. بيدرو الكلام اللي عندي راني قلتو لك فكر مزياااااااااان و رد عليا الجواب..
بيدرو: إيواااااااااااااا ورطة آخرى هادي غادي تنورطها…
إزميرالدا: هاحنا رجعنا آمي للا ،، شنو؟؟ غادي تحبسيني في الدار باش ما نخرج؟؟
دونا ماريا: اسمعي آبنت ولدي الله يرضي عليك،، راني مريضة و ما بقيت قادة مازال على مشاكلك و فشوشك ،، باراكا عليا غير الهموم اللي عندي…
إزميرالدا: آش من هموم عندك آجدة؟؟
دونا ماريا: ما تيحس بالمزود غير اللي مخبوط بيه،، و اللي ايدو في النار ماشي بحال اللي ايدو في الماء.. الفيرمة ديالي اللي في ”سانتا كارمن” محجوز عليها حيث عندي ديون كثيرة ما قدرتش نؤديها،، و المعمل الحركة فيه عيات و الخدامة دايرين إضراب حيث ما بقيتش قدرت نخلصهم في الوقت،، و المحلات الآخرى اللي في ”كانكون” راه نايض فيهم الصداع مع البلدية…هادشي كامل نتيا ماراداش ليه البال،، هادشي كلو ما هامكش و لا حاسة بيه،، اللي تيهمك هو هداك الميكانيكي ديال الويل …أنا ما بقيتش كنشوف النعاس بالليل من كثر المطارق اللي في راسي …كل ليلة تنخمم كيفاش غادي نفك الجرة..
إزميرالدا: جدة.. الله يكون ليك في العون،، راني حاسة بيك و عارفة بلي المسؤولية و الحمل ثقيل عليك آجدة و لكن شنو بيدي ندير أنا؟؟
دونا ماريا: في إيدك كلشي.. في ايدك الحل ايلا بغيتي..
ازميرالدا: واش من حل آجدة في إيدي؟؟
دونا ماريا: ما تدريش راسك ما فاهماش،، راكي عارفة و فاهمة شنو تنقصد،، الحل آبنتي هو توافقي على الزواج مع ماريو دي سانتياغو،، راه هو الحل اللي غادي يخرجنا من مشاكلنا،، احنا فحال شي غريق وسط المحيط،، و ماريو دي سانتياغو هو القشة اللي غادي تنقذنا كاملين..
إزميرالدا: لا …قلت لا يعني لا…كلو الا الزواج مع ماريو…ما يمكنش …مستحيل…غير آجدة نساي..
دونا ماريا: واش بغيتي تقتليني ..واش بغيتي تصفيها ليا…راه السكر طلع ليا …صافي غادي نموت…آآآآآآآآآآآه…آآآآآآآآه ..قلبي..قلبي…فيكتوريا …فيكتوريا…عتقيني…الماء …آآآآآآآه كنموت..
إزميرالدا: جدة.. جدة.. مالك آجدة؟؟ جدة هضري معايا،، جدة مالكي؟؟ فيكتوريا ..فيكتوريا..فيكتوريا..
فيكتوريا: نعم آللا…آش واقع…شنو كاين..ياك لاباس..
إزميرالدا: جدة ما تتحركش منعرف مالها…
فيكتوريا: للا دونا ماريا،، للا دونا ماريا،، فيقي،، مالكي،، للا دونا ماريا..
إزميرالدا: سيري بالزربة قولي ل خوان يكلم لينا الطبيب.. سيري قولي ليه يجيب الطبيب… بسرعة فيكتوريا..
فيكتوريا: هي الأولى آللا… هي الأولى…………………………………………………………يتبع

الصالون المغربي أصبح ذو شهرة عالمية مثل القفطان ، حيث
اصبح العديد من النجوم مغرمين بالمعمار المغربي ♥