تداول عدد من صفحات موقع التواصل الاجتماعى “فيس بوك” ، مقطع فيديو لجندى بالقوات المسلحة ينقذ شابًا حاول الانتحار غرقًا من فوق أحد الكبارى.
وقام الجندى بخلع ملابسه، والوقوف بجوار الشاب والتحدث معه وإقناعه بعدم الانتحار، لأنه سيموت كافرًا، وطالبه بعدم اليأس، ووعده بمساعدته فى حل مشكلته، وبالفعل اقتنع الشاب.
بالنسبة لإنقاذى شاب من الإنتحار
للتوضيح أنا ضابط صف مش مجند و لم أفعل ذلك من أجل الشهرة لكن لإنقاذ روح بنى أدم وطلبى للتصوير كان لإثبات حالة لو كان جرالى حاجه أو جرا للشاب حاجه أثناء عملية الإنقاذ ساعتها أولادى ياخدوا حقهم فى المعاش ومبقاش ميت مذنب …
أنا مش عايز البطوله أنا عايز الناس اللى بتهاجمنى تبطل كلاااااام…. أنا معملتش كده علشان الشهرة أنا مشهور والحمد لله لكن ماينفعش ناس تنزل الفيديو ويقولوا إنى بنتحل شخصية الجيش والتانى يقول فبركة وغيرهم يشتم…. أنا لما عملت كده عملته لله وطمعا فى الثواب وبس ….أنا عندى أولاد بيفتخروا بيا ليه بتحاولوا تشوهوا صورتى وصورة الجيش
وللأسف لا أستطيع الدفاع عن نفسى أو إظهار شخصيتى إعلاميا الا بتصريح من الجهات المسؤله بالقوات المسلحة المصريه
تقبلوا شديد إحترامى
ابراهيم عبد الرازق
فدائى مصرى
http://www.youtube.com/watch?v=AdHgnDhSbTg&list=FLLeNUhln8xPpwa7wv_MuQNA