عمرو أديب: ليه بعتنا رخيص يا نبيل؟

شن الإعلامي المصري عمرو أديب هجوما حادا على وزير الخارجية نبيل فهمي، وذلك بعد تصريح الأخير، أثناء تواجده في الولايات المتحدة الأمريكية، بأن العلاقة بين أمريكا بمصر علاقة زواج شرعي وليست علاقة ليلة واحدة.
أديب قال –في برنامجه «القاهرة اليوم» على قناة «اليوم»: «التصريح المذل لوزير الخارجية النهاردة ضيع كل اللي عملناه من يوم 30 يونيو، بيقول إن العلاقة المصرية الأمريكية علاقة زواج وليست نزوة وليست علاقة ليلة واحدة، أمال كام ليلة؟!، مصر اللي نكدت على الأمريكان بعد ده كله رايح تقول إنها علاقة زواج؟!، ليه بتبيعنا رخيص كده يا نبيل؟!، مصر يتقال عليها علاقة ليلة واحدة زي الكلام عن الجنس؟!، إن الأمريكان مناموش معانا ليلة ورمونا، ليه كده؟!».
وطالب بضرورة إقالة فهمي بعد هذه التصريحات، حيث قال: «طب الحمد لله إن الزواج طلع شرعي مش عرفي، وكل حاجة تتداوى، نشوفلها حد يستر عليها، ليه بنتباع كده؟، أنت عايز إيه من أمريكا؟، أرفع راسك يا أخي فقد ولى عهد الاستعباد، ده لازم يستقيل، ده لو مقالهوش رئيس الجمهورية ميباتش فيها، ولما تيجوا تطلعوا تسريبات متقولوش إنه كان بيكلم أمريكا، إذا كنت أنت متجوز أمريكا جواز شرعي».