تبادل رُوَّاد مواقع التواصل الاجتماعي صورةَ رجلٍ في أحد مطاعم كاليفورنيا وهو يتناول الطعام أمام صورة زوجته، التي رحلت عام 2009، بعد زواج دام 55 عامًا، واكتشف رواد المطعم أنه يصطحب صورتها أينما ذهب.
وقالت صحيفة ” الديلي ميل” البريطانية: إن الرجل التقى بزوجته الراحلة مرات قليلة حين كان كلاهما في السابعة عشرة من عمره، ثم ذهب للقتال في الحرب العالمية الثانية، وغادرت الفتاة مع أسرتها إلى مدينة أخرى، وحين عاد الشاب من الحرب ظل يبحث عنها لمدة 10 سنوات، حتى عثر عليها في كاليفورنيا.
ثم تزوَّجا وعاشا معا 55 عامًا، حتى توفيت عام 2009، ومنذ ذلك الحين لا يذهب إلى مكان إلا ومعه صورتها، يضعها أمامه ويَتَأَمَّلُها ويستجمع الذكريات الطيبة.
الصور التقطها رواد مطعم وجبات سريعة، وانتشرت بعدما قام أحد الرواد ببَثِّها على موقع ” ايمدجور” للصور.
وعن الصورة، قالت “مدينا باشزادو” من “سان فرانسيسكو”: ” يا الله، لقد توقف قلبي، الرجل يضع صورتها أمامه وهو يأكل”.
حُبٌّ استمرَّ 70 عامًا .. أمريكي لا يفارق صورة زوجته الراحلة حتى في المطعم
الله يكون بعونة
هادا حالة شاذة بأيامنا ما فيه هيك حب ..الزوج بيكون عم ينقي عروسة من المعزين ..يمكن لانه من الجيل القديم لهيك عنده وفاء لسه !
تحياتي وسلامي لبنت بلدي نور القمر السورية وايضا اخي الغالي مأمون وكل المحترمين والمحترمات
جميعا وبدون اي استثناءات ما عرفت بأي صفحة اسلم عليكم حالة بقت يرثى لها ههه
مساء الخير للأصيله العسوله إلي ما بتسأل عنا .
حيّاكِ الله سوريّة أصيلة … معك حق … هون الدنيا فاضيه هههه ..
ولو سنفورة انتو دايما بالبال بس هالايام انت مشغولة بالحروب هههه تحية وسلام من قلبي لك
أخ مأمون الله يحييك عندك تفسير للي عم يصير ع جدران نورت من نقاشات !!!!!!!!! احس انها زايدة قليلا عن الحد ولا متهيألي اسأل بشكل عام طبعا ؟؟؟؟
و سلام مُربع لك أيضاً يا شقيقة الروح و أتمنى أن أرى إسمك دائماً . تحياتي لك و تحياتي للمُعاتب الذي حين أجبناه طنشنا 🙂
ههه سنفورة ما كان عتاب … وانما كان من باب .. ” عم نهزّ الورد لنشمّه ” … اخت عزيزة .
شُكراً مأمون ، أنت أخ عزيز أيضاً .
هههه العتاب للاصحاب سنفورة يمكن أخ مأمون نعس وراح ينام !!!
أو سؤالي اله صعب الاجابة عليه لهالدرجة …
لا ما عم يتهيألك يا أختي .. وشي طبيعي يصير هيك .. لان اللي عم يصير بنورت هو انعكاس للي عم يصير خارجها .. واللي عم يصير خارجها يمكن ما مر علينا من عشرات السنين متله .. شايفه بعينك شو عم يصير ..يعني على الأرض الناس عم تقتل بعضها فعلياً وعلى النت نفس الجهات اللي عم تتقاتل في الخارج عم تقتل بعضها الكترونياً …
هادا اللي قصدته بالظبط أخ مأمون وما حدا بيحس بالجرح الا صاحبه متل ما بيقولوا وجرحنا واحد نحن السوريون ولو بظروف مختلفة .. انا ما بحب اني اتظاهر اني لا اتابع نورت او اقرأ تعليقاتك فانت ونور احرص مع كل فرصة ووقت الي اني أقراها صدقني لكن عم يعز عليي انت بالذات لما بحسك عايش بقلب الاحداث والالم وكما قلت الظلم والقتل والهم قريب منك جدا وايضا هنا على نورت يلاحقك الهم وتعليقات لا تسرك او ممكن تسبب لك الحزن او على الاقل الضيق !!!
تسلمي يا أصيلة .. اللي قلتيه صحيح ..متل ما قلتي .. جو الضيق والهم وحتى الخوف ما فيني اتخلص منه .. لانه عايش معي ولو أحكيلك عن القصص اللي عم تصير معنا يوميا تتفاجئي .. يكفي أني قلّك أنو من شهرين ولتاريخ أول مبارح سقط على مدينتي 70 برميل متفجر وبشكل شبه يومي .. ما عم حب أحكي شي بنورت لان بعض ضعاف النفوس عم يعتبرها جلب للتعاطف ومن هالحكي .. أحيانا بترك نورت شهر أو أكتر لما يزيد الضغط عليي بس برجع لان بحس اني لازم احكي وطالع اللي بقلبي .. وما عم لاقي الا نورت .. مع انو عندي حساب ع الفيس بس نادراً ما ادخل فيه بنقاشات او حكي بالسياسة .. لهيك بلجأ لنورت ..
مأمون الابتلاء اللي عم يصير ببلادنا وخصوصا بلدنا سوريا متل ما بيقولوا ما بيعلم فيه الا رب العالمين وايضا صاحب الجرح ومن يرى بعينه الاحداث وهو اكبر بكتير من تعليق او رد على تعليق !!!!
سوريا اكبر بكتير من هيك صدقني !! والالم اكبر والجاية حتى يمكن يكون اكبر واعظم !!
أنا قصدت من يتعاطف مع سوريا وثورتها الشريفة على الظلم لن يغير رأيه بتعليق !!
وأيضا من هو ضد هالشي كمان ما ح يغير ..
والظالم ما رح يرتدع !! والكاذب ما رح يصدق !! وناكر الجميل ما رح يعترف !! والمظلوم حقه قبل كل شيء عند رب العالمين !! والله بالغ أمره ولو بعد حين مأمون ولو كره كل منافق او مدعي او مجرم
قصدي تعليقاتك او وصف الوضع او الرد على أي احد لن يغير من الوضع شيء فقط سيزيدك هم وقهر وهذا لا ينقصك مأمون انا بعرف انك اخ محترم وقديم بالجريدة ونورت بتعنيلك كتير
انا بفضل نورت تكون لتخفف عنك شوي وليس لتزيدها !!!!!!!
انا معك يا أصيلة .. وبعرف الحكي اللي قلتيه وكتير بقول لحالي اني رح اعمل متل ما قلتي .. بس ببعض الأوقات ما بقدر أمسك نفسي .. وخاصة وقت يكون شي مؤلم مريت فيه .. او وقت يكون حصل أمام عيوني شي فظيع .. متل لما صارت مجزرة بضيعتي راحت فيها عائلتين أبيدوا بشكل كامل تقريباً .. أغلبهم أطفال ونساء .. ومن يومها أنا أعلنت الحداد ولليوم .. مافيني بهيك ظرف وبهيك مشاعر ادخل لنورت وشوف كيف في ناس مستهينة بدم هالأطفال … وكيف في ناس واقفة مع اللي قتل هالاطفال وما أحكي ..
انا بعرف شو بدك تقولي وانا معك فيه .. بس أحيانا بيفلت زمام الأمور من أيدي ..
أخي مأمون ما قصدت ليس من الضرورة ان تترك الجريدة او التعليق لانك من الاعضاء المعروفين هنا بنورت والجميع بيشهد باخلاقك وايضا ثقافتك وخصوصا الدينية فانا متابعة لردودك القيمة كلها
في المسائل الدينية وقد يكون لك فيها الاجر لان الرسول صلى الله عليه وسلم امرنا بان بلغوا عني ولو اية !!! ورأيت حتى الطرف المخالف ذكر انه لاضير من النقاش لتبيان الحقائق في بعض الاحيان
أما الامور السياسية أنا من رأيي أي تعليق قد يسبب لك مزيد الحزن لا تقرأه ولا بأي شكل كما أفعل انا حتى عندما أتابع فقط !!! بعض الاسماء والتعليقات السياسية التي تخص بلدي سوريا لا انظر اليها ولا اقرأها صدقني واعتبرها مثل فقاعة صابون لابد ستنفجر بالهواء ولن تغير من الامر شيئا !!!!
طبعا انت أدرى بأن ترد عليهم او لا ولو انه اصبح حتى الطفل الشهيد في هذه الايام السودة قد يأتي من يقول لك بانه المفتري مثلا !!!!!! اذا كنت ترى جدوى من الرد لابأس مع ايماني الشديد بانها شدة ولابد ستزول والله سبحانه وتعالى لابد منزل حكمة عاجلا ام اجلا والجدال والتعليقات والشتائم لا جدوى منها الا انه سيتكلم عن سوريا كل من هب ودب وهذا اقلال من شامنا والثورة وليس اعلاء من شأنها صدقني على كل الاحوال اتمنى لك ولسوريا وللعرب وأيضا للكرد حتى ما اصاب بالتعصب هههه
أتمنى ان تتغير الامور للافضل ولما أراده من يقول للشيء كن فيكون الله سبحانه وتعالى ….
فهمت كلامك أختي أصيلة .. وقلتلك انا معك فيه .. وبحاول بكتير احيان اني طبّقه .. بس متل ما قلتلك أحيانا بفشل .. والسبب هو الظرف اللي بكون فيه .. أو حتى الحالة النفسية اللي بكون فيها .. فحتى أتجنب هالشي الحل هو أني أترك نورت … لهيك بتركها شهر أو أكتر كنقاهه هههه ومو بعيد يجي يوم اتركها نهائياً بشكل طوعي ……… او مرغماً ..
طيب أخي مأمون مضطرة للخروج الان لذلك اكتب الردود لحاقا ههه ,, على كل قد يكون لنا لقاء اخر اقول لك الان تصبح على خير واتمنى لك ولعائلتك الكريمة ولبلدي كل الخير
وانتي بخير يا سوريّة أصيلة وبشكرك على اللفتة الطيبة منك وعلى اهتمامك .. والله يفرجها علينا جميعاً وعلى كل مكروب ..
يا هلا بالأصيلة عربية ….يسعد كل اوقاتك وصباح الورد مرة تانية لأخي العزيز مأمون وللمحترمة سنفورة …عذراً منكم كتبت كم تعليق وطلعت لأنه نورت صار دمها تقيل و تعليقات بعض الناس فيها سخيفة ومستفزة لهيك قليل صايرة ما أدخلها …
اللي قلتيه يا عربية لمأمون عن مشاركاته كنت بدي قله عليه عدة مرات لأني حاسة فيه صاير هجومي بس بعدين لما فكرت باللي عم يصير ويشوفوه هنن من جرايم وقتل وموت سكتت …قلت معذور شو ما قال خليه يفش قلبه ويزيح الهم عن صدره ويقول اللي لازم لأنه حالهم ما عاد يتحمل مجاملة ومراعاة لشعور بعض الناس خاصة المستفزين منهم ..بس انا الي عنده تمني أنه هو وبلو يصفوا الخلاف بينهم ما بعرف شو سببه يمكن لأني بدخل بشكل متقطع
مو لأنها صديقتي لا والله ..بس لأني ماشفت منها شي ضدنا كسوريين ولا إساءة بالعكس من أول ما دخلت وهي بصفنا لهيك استغربت خلافهم ..بتمنى ما تتضايق من تدخلي ..وتحياتي للجميع