شاهد .. مرتضى منصور يهاجم محمد علي : ” عيل شاذ وملحد وسب الكعبة “

مفيش فضائح إجرامية الشارع متأثرش بيها!
الفرق أن الفضائح الإجرامية بيقدمهالك بشكل رسمى، يعنى مؤبد لشخص فى شكل قضية خيانة! إعتقال لشخص فى شكل قضية تجسس! إعتقال لشخص فى شكل قضية إغتيال وهكذا،،،
يعنى إنت بتبقى متوقع النتيجة من قبل حدوثها، بياخدك واحدة واحدة وبيأهلك للنتيجة وبيبقى مغلفهالك بلباس قانونى.
أما الفضائح المالية فجت على المواطن فجأة دون أن يستعد لها! وبأرقام لم يكن يستوعبها! يعنى الناس كانت متوقعة إن السيسى بيبنى قصور رئاسية إيه الغريب، إنما قصر بـ 250 مليون! تعديلات داخل القصر بعد ما يتبنى بـ 25 مليون! سور خارجى مُحيط بالقصر بـ 30 مليون! بوابة للمقابر الخاصة به بمئات الملايين!
هى دى الصدمة خصوصاً لما تعرف إن إللى عمل كده حد ياما طلع وقال إحنا فقرا اوى وإحنا أمة العوّز وكلام سخيف من هذا القبيل! وطبعاً بجانب الجُرأة إللى بيطرح بيها محمد على مواضيعه فجعلت فى الشارع المصرى كل هذا التأثير الكبير!
لم يكن أحد يتوقع أن يأتى أحد وينتقد السيسى بهذا الشكل! ده معتز مطر والجماعة بتوع قطر وتُركيا مش بالجُرأة إللى فيها محمد على كل هذه الأسباب جعلت الحدث بهذا التأثير الكبير.

فى النهاية أكيد الأموال ليست أهم من البشر ولكن طريقة تناول الحدث هى مربط الفرس وهى إللى بتقدر تصنع لللحدث أهمية أو بتحبطه على حسب الهدف والمنهج! بالظبط كده زى حادثة إغتيال الصحفى خاشقجى لولا تناول الجزيرة والميديا العالمية للحدث لما كان له أية صدى فى الشارع السعودى أو العربى مع إن خاشقجى بشر !