متظاهر مصري يصعق بالكهرباء بعد تمزيقه صورة لمرسي

شوفي يا فاتي
أي أنا قلت هذا الكلام عن أبو الغيط وفي أخر كلامي قلت نحنا العرب حتى ما ينفهم من كلامي أنه مقصود الشعب المصري بس لكن حضرتك لأنه نيتك سيئة ما شفتي غير اللي بدك ياه
وكلامي لا تجاوز ولا أهانة للشعب المصري لكن هو تقدير واقع الناس كلها شايفته أنه نحنا العرب محتاجين سنيين لنصير نعرف الديمقراطية مو نتشدق فيها متل اللبانة وبس
ومو من حقك بحجة انه بلدك تحجري على رأينا وتهاجمينا بحجة الدفاع عن مصلحة بلدك وأنه نحنا ما منعرف شو عم يصير فيها …وياريت بس تشرحيلي كيف رأينا رح يأثر على أحداث مصر واللي بيحصل فيها حتى اعرف
أما كلامي عن شعب مصر انا عمري ما تطاولت لا على شعب مصر ولا على أي شعب عربي وبتحداكي تجيبي تعليق واحد لكلامك إلا إذا معتبرة شعب مصر هنن جبهة الإنقاذ وقادتها الشجعان هدول اللي بيمثلوا مصر من وجهة نظرك وممنوع علينا نهاجمهم أما غيرهم خاصة الأخوان فهدول مو مصريين ومسموح مين ما بدو يتطاول عليهم مو هادا رأيك اللي بتدافعي عنه
حضرتك معتبره كل واحد بيهاجم المعارضين بمصر هو بيتطاول عليهم هدول شخصيات عامة وسياسيين ومن حق أي إنسان يقول رأيه فيهم حتى لو غير مصري بس يصيروا ناس عاديين ساعتها حاسبينا انتي وغيرك لو نقدناهم وهاجمناهم
وبعدين ما بشوف هالحمية والغيرة منك على أولاد بلدك لما بيكونواعم يهاجموا مرسي أو غيره من الناس اللي مخالفة لرأيك بالعكس بيكون الهجوم منك ومن غير المصريين ولا عمرك أعترضتي وقلتي هذا مصري وممنوع تهاجموه بس بتظهر هالحمية لما منهاجم حبايبك
على كل حال هذا ما بيخصني ولا بيهمني ولا أرائك وافكارك وتعليقاتك …اللي بيخصني إنك ما تتدخلي بكلامي بحجج مختلفة
اما انك مريضة بمرض التعصب والعنصرية خليكي مريضة فيه حبيبتي طول عمرك بس لما بتطلعي عنصريتك وتعصبك علينا لأننا غير مصريين ساعتها من حقنا نوقفك ونوقف غيرك
نفس كلامنا بيقولوه مصريين ما بتعتبريه إهانة بس لما غير مصري بيقوله بيصير إهانة وتطاول وتدخل لأنه الرأي الواحد بيختلف إذا كان من مصري أو غير مصري …يا سلام منطق عجيب !
لما بيكون مصري بيكون قلبه على مصر ولما بيكون غير مصري فهو حاقد وبيتمنى الشر لمصر
كل ما حدا قال رأي مخالف بموضوع مصر بتبتدي تهاجمينا صرتي عاملة مشاكل مع كتير من المعلقين بهذه الحجة أنا قلتلك بس يكتبوا ممنوع التعليق لغير المصريين ساعتها منبطل نعلق أما غير هيك بدنا نقول اللي بدنا ياه سواء عجبك ولا ما عجبك !
أما ليش ما ردت عليي شيرين او غيرها لأنهم ببساطة فهموا كلامي وعارفين أنه أنا ما عم أتطاول على شعب مصر بس تعصبك انت هو اللي بيخليكي تقعدي تحاسبي الكل كل ما حدا حكى بحجة الدفاع عن أولاد بلدك
وأما انه الواحد لما بيهتم بأحوال غير بلده وبشؤونها وبيفتي فيها متل ما قلتي حضرتك فهذا معتبرتيه جهل معناها أغلبية الناس جاهلين برأيك لأنه كتير ناس بتهتم بمصر وسوريا وغيرها وبتقول رأيها باللي عم يصير عندهم وهذا دليل حب وليس جهل
الجهل أنك تعتبري أنه بلدك شانها بيهمك لوحدك وانه بقية البلاد التانية غير مهمة لأنه نحنا بالنهاية عرب ومرتبطين مع بعض سواء عجبك أو ما عجبك ورغم كرهك للعرب
شوفي يا انسة فاتي بس تصير مصر بإسمك وبس تصيري وصية على مصر ساعتها حاسبينا وامنعينا نقول رأينا ومن اليوم لوقتها رح نضل نقول اللي بدنا ياه ما دام بحدود الإحترام

أصبحنا وأصبح الملك لله ….
أنا الحقيقة ما عم نام الليل لأنك مومتابعة شو عم أكتب ولا بيعجبك رأيي طول الليل سهرانة مشغول بالي وقلقانة لأنه فاتي ما عم تتابع تعليقاتي مهمومة وحزينة 🙁
يا ست أنا ما كتير زعلانة ولا بيهمني تقرأي كلامي ولا لأ ويعجبك ولا لأ وذا عجبك ولا ما عجبك مين أنتي أصلا …لذلك حاجة ترددي عبارة بقرأ وما بقرأ
وبعدين كيف ما عم تقرأي كلامي ومع ذلك عم تتهميني إني بتطاول على مصر وأنك عم تتحسبي عليي كل ما شفتي إسمي أو يمكن هيك بالحداقة والفهلوة بتعرفي إني عم أتهجم على مصر !
وانا قلت نحنا حتى بين أنه مشكلتك مع كتير من المعلقين بنورت مو بس معي يعني المشكلة فيكي انتي وموفيي ولا بغيري
انتي بنت عندك عقدة التعصب وسوء الظن بالناس وبتفسري الكلام على كيفك وحسب ما بتفهميه بعقلك لذلك روحي تعالجي ولا خليكي بعقدك ما بيخصنا المهم ما تطلعي عقدك علينا وتقرفينا
وماشاء الله على عقلك الكبير وفهمك الزايد !
فهمتي من كلامي عن مصريين بيكتبوا رأي متل رأيي ومع ذلك ما بتحكي ولا بتقولي شي إني بدي ياكي تتخانقي معهم وتقاتليهم ماشاء الله على هالفهم والعقل الكبير!
وكلامي عن سكوتك على كل واحد غير مصري بيهاجم مرسي أو غيره حتى بين أنك بلا مبدا إذا الكلام إجا على هواكي بتطنشي وإذا على غيرهواكي منسمع كلامك وتهجمك علينا
يعني عم أحكي عن منطقك الأعوج لأنه اللي بيدافع عن رأي ما بيهمه مين قايله مو متلك بشوف مين اللي عم يحكي إذا إبن بلدي ولا لأ حتى رد عليه وإذا الرأي بيعجبني ولا لأ
ويا ريت تبطلي كذب على لساني وتقولي إني عم إستهزأ بالشباب اللي عم يموت وأتهمه بالبلطجة والعمالة أنا كل كلامي عن المخربين وبتحداكي تجيبي تعليق واحد عن كلامك فحاجة تأليف وقصص
وحكيت عن العرب لأنك قلتي بكلامك إلي وقاحة عربانية وكان لازم كون مهذبة متلك وجاوبك وقاحة مصرية بس تغاضيت عنها بمزاجي ولأنك ما بتمثلي كل المصريين حتى أظلمهم
وأنا هلأ مت من الرعبة والخوف ورح صير حاسب بكل تعليق لأنه حضرة جنابك رح تقرأيه وتعلقي عليه
شوفي يا ست فاتي أنتي ما بتهميني شو ما كنتي مهذبة ولا بدون تهذيب .. بتحبي العرب ولا بتكرهيهم ..معقدة ولا سليمة …تسمحي ولا ما تسمحي ..المهم ما تتدخلي شو بقول ولا تعملي حالك مراقبة علينا كل ما حكينا
واللي بيعجبني إنها ما بتقرأ كلامنا ومع ذلك بتعرف أنه نحنا ما منعتقش كل الموضوعات سياسة وفن وبطيخ ومنهاجم مصر ومنكرهها …بيجيها الهاتف بالمنام بيخبرها شو منكتب !
روحي يا شاطرة الله يعينك على نفسك وحقدك ولا لايعينك ما بيهمنا المهم تبعدي بحقدك وتعصبك عنا
وبس تصير مصر إلك او يعطوكي المصريين تفويض بإسمهم ساعتها حاسبينا يا حلوة
هذه أخر مرة رح جاوبك لأني مو فاضية متلك للمجادلة اللي باين أنك فاضية ومتفرغة إلها