64% من نساء مصر تعرضن للتحرش!

السلام عليكم ،
كيف حالكم : بريندا ، فاتى ، ستار ، إيمان المغربية ……. أتمنى تكونوا بخير ،،،
أول شئ يا أخواتى أنا ما حمّلتش المسئولية للفتاه ! أنا حملت المسئولية للطرفين مناصفاً إلا فى حالات شاذة يتحملها الطرف الجانى ( الشاب ) بنسبة 100 % عندما يتحرش بفتاه لا يوجد بها آى شئ مُلفت !
هبدأ بـ فاتيما :
( فيب معنى كده انك عايز تقول انه البنت اللى تمشى بلبس مش عاجب البعض، هو ده عقابها وجزائها. )
أكيد لأ يا فاتيما ، أقسم بالله أنا ما قولتش كده ، أنا قولت فى الحالة دى هتبقى المسئولية على عاتق الطرفين بغض النظر بقى عن كون المُتحرش من حقه يعمل كده أو لأ ! لأن أكيد هيكون مش من حقه يعمل كده حتى لو كانت من غير هدوم لكن لما نيجى نحلل إللى حصل لازم نحمل الطرفين المسئولية لأن لا شرع ولا دين ولا عادات ولا تقاليد يسمح للبنت تمشى من غير هدوم !
( وهاقولك اللكلام الشهير واللى الكل بيردده، ايام اهالينا زمان، ووقت السبعينات والستينات، كانت البنت بتمشى فى شوارع مصر بالميكرو والمينى جيب وماحدش بيتعرض لهم، وواقصى شئ كانت ممكن تتعرضله البنت هو المعاكسة باللفظ فقط…. ايه اللى فرق؟؟؟
زمان كان فيه اخلاق، دلوقتى العشوائية والتخلف والسعار سيطرت على الشباب العشوائى اللى لا عنده لا خشا ولا حيا. )
إللى فرق دلوقتى هى أفلام : عبده موته ، الألمانى ، حين ميسرة ، هى فوضى ، ريكلام !!
هو ده إللى فرق دلوقتى يا فاتيما ، زمان كان الفن إلى حدٍما مش مُبتذل لكن دلوقتى الفن بيلعب على الشهوة و الجنس بحجة إنه بينقل أحداث و حقائق من الواقع ! لكن لو تآملتى للحقيقة مش هتلاقيها غير لم فلوس و تجارة و خلاص !
طب تعالى كده نهاجم الفنانيين و نقولهم كده غلط ! هتلاقى الدُنيا كلها إتقلبت و وقالوا لا مساس للفن !
________________________________________________________
أختى ستار موروكو :
( يا أخ VIP الناس حرة في لبسها تراعي الحشمة نعم لكن ليس معناه ترتدي الحجاب عشان الغير ما يتحرشي بها ، العيب في المتحرش لازم يتعلم يغض بصره شوية ….. )
بكررها ، و الله ما قولت البنات ترتدى الحجاب بالعافية علشان ماحدش يتحرش بيهم ! كل واحده حُرة تلبس إللى تريدهو من حقها ما حدش يتحرش بيها ، لكن بلاش نلاقى واحده لابسة بانطلون جينز SKINY و شيميز لحد وسطها و لابسة طرحة فوق راسها و نقول آدى المُحجبات كمان بيتحرشوا بيهم ! لأ فى الحالة دى مش بنقول البنت إللى غلطانة لوحدها و المفروض ما تلبسش كده ! لكن بردو بلاش نضحك على الناس و نسميهم محجبات !
________________________________________________________
أختى إيمان :
( الحل أن يتكاثف الناس رجال ونساء ضد المتحرشين حتى لو كان التحرش ضد فتاة ليل يجب أن يدافع عنها ضد المتحرشين وربنا يهدي الخلق . )
الحل أن يتكاتف الجميع ضد المُتحرشين و بنات الليل ………. هو ده الحل يا أختى .

الله يكون مع كل فتاة تتعرض للاغتصاب .. شئ رهيب ومخيف جدا اذا حصل
الله ينتقم من كل انسان يغتصب فتاة لانه بفعلته هذه هو اغتصاب لحياتها بالكامل وشرفها اللي هو اغلى شئ عندها.. انا متأكدة لن تعيش حياة طبيعية بعدها

يعني رجاله بصحيح دمهم حامي ههههههههه